Hætt­an á því að eitt­hvað ger­ist vegna jarðhrær­inga í Grinda­vík er ekki mik­il þessa stund­ina en hætt­an er þó til staðar, að sögn Bene­dikts Gunn­ar Ófeigs­son­ar, fag­stjóra af­lög­un­ar­mæl­inga á Veður­stofu Íslands. 

Op­inn kynn­ing­ar­fund­ur um stöðu jarðhrær­inga í Grinda­vík fór fram í dag. Líf­leg­ar umræður áttu sér stað á fund­in­um og virðast íbú­ar í Grinda­vík vera bún­ir að fá sig fullsadda af stöðunni. Umræðurn­ar sner­ust að miklu leyti um hættumat­skort sem að Veður­stof­an hef­ur um­sjá um vegna jarðhrær­ing­anna á Reykja­nesskaga.

Þeir sér­fræðing­ar sem tóku til máls á fund­in­um voru sam­mála um það að lít­il sem eng­in hætta sé á eld­gosi eða öðrum nátt­úru­ham­förum við Grinda­vík að svo stöddu. Þrátt fyr­ir það seg­ir hættumat­skort Veður­stof­unn­ar að ýms­ar hætt­ur steðji að Grind­vík­ing­um. 

Hættumat­skortið var­ar, að því er virðist, af­drátt­ar­laust við þeirri hættu sem steðjar að Grind­vík­ing­um. Ljós­mynd/​Veður­stof­an

Menn oftúlki hætt­una

„Lík­urn­ar á því að eitt­hvað ger­ist í Grinda­vík eru ekki núll. Litl­ar lík­ur eru þó á að eitt­hvað ger­ist á næstu vik­um. Við erum samt að horfa á það að hætt­an verður meiri með tím­an­um,“ seg­ir Bene­dikt Gunn­ar í sam­tali við mbl.is að fundi lokn­um. 

Bene­dikt tel­ur ekki að hættumat­skortið geri of mikið úr þeirri hættu sem steðji að Grind­vík­ing­um. 

„Vanda­málið er að menn eru að oftúlka hætt­una sem við setj­um í hættumat­skortið núna. Hætt­an er ekki mik­il en hún er til staðar. Ferðamenn til að mynda skilja þetta ekki, þeir sjá bara að það er hætta og það er það sem íbú­ar eru að benda á.“

Líf­leg­ar umræður sköpuðust á fund­in­um. mbl.is/​Karítas

Eigi ekki að vera ógn­andi

Bene­dikt tel­ur að taka þurfi það til skoðunar að breyta því hvernig hættumat­skort­inu er miðlað til al­menn­ings. 

„Ég held að þetta snú­ist um það hvernig við miðlum þess­um upp­lýs­ing­um. Þetta er ekki bara und­ir Veður­stof­unni komið, ég held að til þess að koma til móts við þessi sjón­ar­mið þurfi fleiri aðilar að koma að. Við þurf­um að geta miðlað þessu á þann hátt að hættumat­skortið sé ekki ógn­andi fyr­ir fólk held­ur upp­lýs­andi.“