„Mín skoðun er auðvitað sú að þessi laun eigi bara að fylgja þeim hækk­un­um sem samið er um á al­menn­um markaði,“ seg­ir Kristján Þórður Snæ­bjarn­ar­son, þingmaður Sam­fylk­ing­ar­inn­ar og fyrr­ver­andi formaður Rafiðnaðarsam­bands Íslands, í sam­tali við mbl.is um boðaða hækk­un launa þing­manna, ráðherra, for­seta og æðstu emb­ætt­is­manna rík­is­ins 1. júlí.

Nem­ur hækk­un­in 5,6 pró­sent­um, en eins og fram hef­ur komið í frétta­flutn­ingi mbl.is hækkuðu laun á al­menn­um markaði um 3,5 pró­sent í kjöl­far síðustu kjara­samn­inga.

Frétt af mbl.is

Launa­hækk­un í vasa þing­manna og ráðherra

„Ég held að það sé mjög mik­il­vægt að það sé grund­völl­ur til að skapa sátt um þetta fyr­ir­komu­lag – að teng­ing sé þarna á milli,“ held­ur rafiðnaðarformaður­inn fyrr­ver­andi áfram og ját­ar því að miklu muni á hækk­un­um emb­ætt­is­manna og al­menn­ings.

Frétt af mbl.is

Gagn­rýn­ir launa­hækk­an­ir æðstu ráðamanna

Sam­hengi skipti miklu máli

Spurður út í þau skila­boð sem slík­ar hækk­an­ir færi með sér bend­ir Kristján á að hækk­an­irn­ar fylgi lög­um um þing­far­ar­kaup og breyt­ingu á þeim árið 2018 þegar kjararáð var lagt niður.

„Þá var verið að færa þetta úr því fyr­ir­komu­lagi þegar þetta var í hönd­um kjararáðs sem var enn meiri gagn­rýni kring­um, enda var tekið mjög stórt skref í hækk­un ráðsins árið 2016. Ég held að það skipti mjög miklu máli að sam­hengi sé milli þess­ara hluta, þarna sem ann­ars staðar á vinnu­markaði, al­menn­ar launa­hækk­an­ir end­ur­spegla það nátt­úru­lega bet­ur,“ seg­ir Kristján Þórður Snæ­bjarn­ar­son þingmaður Sam­fylk­ing­ar­inn­ar að lok­um.