Tvö þúsund þjóðvarðliðar sendir til viðbótar

Tvö þúsund þjóðvarðliðar sendir til viðbótar

Bandaríska varnarmálaráðuneytið hefur staðfest að Donald Trump Bandaríkjaforseti hafi ákveðið að senda 2.000 þjóðvarðliða til viðbótar til að reyna koma böndum á fjöldamótmælin sem staðið hafa yfir í Los Angeles síðustu daga.

Tvö þúsund þjóðvarðliðar sendir til viðbótar

Donald Trump Bandaríkjaforseti | 10. júní 2025

Mótmælendur í Los Angeles.
Mótmælendur í Los Angeles. AFP

Banda­ríska varn­ar­málaráðuneytið hef­ur staðfest að Don­ald Trump Banda­ríkja­for­seti hafi ákveðið að senda 2.000 þjóðvarðliða til viðbót­ar til að reyna koma bönd­um á fjölda­mót­mæl­in sem staðið hafa yfir í Los Ang­eles síðustu daga.

Banda­ríska varn­ar­málaráðuneytið hef­ur staðfest að Don­ald Trump Banda­ríkja­for­seti hafi ákveðið að senda 2.000 þjóðvarðliða til viðbót­ar til að reyna koma bönd­um á fjölda­mót­mæl­in sem staðið hafa yfir í Los Ang­eles síðustu daga.

Mót­mæli gegn inn­flytj­enda­stefnu Banda­ríkja­stjórn­ar héldu áfram í Los Ang­eles í gær, fjórða dag­inn í röð.

Í gær­kvöld til­kynnti stjórn Trumps að hún muni senda 700 banda­ríska land­gönguliða til borg­ar­inn­ar og er þeim ætlað að koma til aðstoðar við þjóðvarðliðið.

Lögreglumenn í Los Angeles í gær.
Lög­reglu­menn í Los Ang­eles í gær. AFP

CNN og The New York Times greina frá því að lög­regl­an í Los Ang­eles hafi hand­tekið fjölda mót­mæl­anda og flutt þá um borð í rút­ur en lög­regl­an hafði varað mót­mæl­end­ur við því að þeir yrðu hand­tekn­ir ef þeir færu ekki fyr­ir­mæl­um lög­reglu um að yf­ir­gefa göt­ur borg­ar­inn­ar.

Gary New­som, rík­is­stjóri í Kali­forn­íu, ætl­ar að kæra rík­i­s­tjórn Banda­ríkj­anna fyr­ir að senda her­menn þjóðvarðliðsins til Los Ang­les án hann samþykk­is en hann greindi frá þessu á sam­fé­lags­miðlum í gær.

New­som greindi frá því í gær­kvöld að hann hygg­ist senda 800 lög­reglu­menn til viðbót­ar til Los Ang­eles vegna óeirðanna.

Færsla New­som á sam­fé­lags­miðlin­um X deildi mynd­um af her­mönn­um liggj­andi þétt stam­an á gólfi bygg­ing­ar í Los Ang­les.

„Þú send­ir þá án eldsneyt­is, mat­ar, vatns eða svefn­pláss,“ skrif­ar hann og bæt­ir við: – „Ef ein­hver kem­ur fram við her­menn okk­ar af óvirðingu, þá ert það þú, Don­ald Trump.“

mbl.is