Danska drottn­ing­in, María Elísa­bet, skartaði ís­lenskri hönn­un í ferð sinni í Fær­eyj­um þar sem hún klædd­ist jakka frá ís­lenska fata­merk­inu Cinta­mani. Jakk­inn heit­ir Tinna og kom á markað fyr­ir 20 árum. María drottn­ing hef­ur átt jakk­ann í 12 ár og greiddi fyr­ir hann sjálf. Árið 2013 komst hún í frétt­ir en þá var hún í sama jakk­an­um: 

Frétt af mbl.is

Prins­essa í ís­lenskri hönn­un

„Það er gam­an að sjá Tinnu jakk­ann lifa góðu lífi hjá henni, heil 12 ár. Sýn­ir og sann­ar að hönn­un og gæði fram­leiðslu Cinta­mani lifa góðu lífi. Tinnu jakk­inn hef­ur ferðast með viðskipta­vin­um Cinta­mani í um 20 ár, alltaf vin­sæll og ein sölu­hæsta flík okk­ar frá upp­hafi,“ seg­ir Ein­ar Karl Birg­is­son eig­andi og fram­kvæmda­stjóri Cinta­mani. 

Drottn­ing­in er í op­in­berri heim­sókn í Fær­eyj­um ásamt eig­in­manni sín­um, Friðriki Dana­kon­ungi, og dótt­ur sinni, Jós­efínu prins­essu, þar sem fjöl­skyld­an skoðaði menn­ingu, sögu og nátt­úru eyj­unn­ar. 

María Elísa­bet drottn­ing ber Cinta­mani-jakk­ann Tinnu vel. Sam­sett mynd

Í færslu á In­sta­gram-reikn­ingi danska kon­ungs­húss­ins má sjá mynd­ir af heim­sókn­inni þar sem drottn­ing­in klæðist jakk­an­um. 

Ein­ar Karl Birg­is­son fram­kvæmda­stjóri Cinta­mani. Ljós­mynd/​Aðsend