Sig­ríður Á. And­er­sen, þingmaður Miðflokks­ins, sagði rík­is­stjórn­ina hafa „hrúgað“ hátt í hundrað laga­frum­vörp­um á þeim stutta tíma sem hún hef­ur verið við völd. Þrátt fyr­ir það hafi hagræðing­ar­sjón­ar­mið stjórn­ar­inn­ar ekki ratað í frum­vörp­in, þrátt fyr­ir áhuga rík­is­stjórn­ar­inn­ar á þeim mál­um í upp­hafi kjör­tíma­bils­ins. 

Þetta kom fram á eld­hús­dagsum­ræðum á Alþingi í kvöld. 

Sagði hún rík­is­stjórn­ina hafa sett á sig merkimiða í upp­hafi kjör­tíma­bils­ins þar sem for­menn stjórn­ar­flokk­anna kynntu sig sem val­kyrj­ur og rík­is­stjórn­ina sem verk­stjórn. 

„Verk­stjórn­ar“ nafn­gift­in var skírð þannig að rík­is­stjórn­in ætli að láta til sín taka á fyrstu mánuðum, mál­in eigi að ganga á und­an henni svo um mun­ar. En um leið var merkimiðum óbeint dreift á alla aðra stjórn­mála­menn sem hljóta til aðgrein­ing­ar að telj­ast verk­laus­ir í aug­um rík­is­stjórn­ar­inn­ar. 

Tvennt er at­huga­vert og jafn­vel aðfinnslu­vert við þessa skil­grein­ingu rík­is­stjórn­ar­inn­ar og ör­litla sjálfs­upp­hafn­ingu, ann­ars veg­ar hið aug­ljósa, að það er hlut­verk stjórn­ar­and­stöðu að veita rík­is­stjórn aðhald og það hefði verið full vinna á þessu kjör­tíma­bili,“ sagði Sig­ríður. 

Lítið gengið að binda stjórn­ina sam­an

Ræddi hún einnig „of­urá­herslu“ rík­is­stjórn­ar­inn­ar um að samþykkja öll þau mál sem hún lagði fram á vorþingi. 

Mál­in virt­ust öll þjóna þeim til­gangi að binda rík­is­stjórn­ina sam­an, sem væri það sem hún þyrfti, en lítið hafi gengið í þeim efn­um það sem af er kjör­tíma­bili.

Fór Sig­ríður yfir þau mál sem hafa skekið rík­is­stjórn­ina, t.a.m. af­sögn Ásthild­ar Lóu Þórs­dótt­ur, fyrr­ver­andi mennta- og barna­málaráðherra. 

„Rík­is­út­gjöld í dag er skatt­hækk­un á morg­un“

Sig­ríður fór einnig yfir um­fangs­mik­il mál sem rík­is­stjórn­in hef­ur lagt fram, t.a.m. frum­varp Loga Ein­ars­son­ar, menn­ing­ar-, ný­sköp­un­ar- og há­skólaráðherra, um að breyta styrkj­um til einka­rek­inna fjöl­miðla. 

„Skyldi það vera hagræðing? Nei, al­deil­is ekki. Því frum­varpið er ein alls­herj­ar hefnd­ar­för gagn­vart Morg­un­blaðinu sem hef­ur leyft sér að fjalla með gagn­rýn­um hætti um mál rík­is­stjórn­ar­flokk­anna,“ sagði Sig­ríður. 

Sig­ríður sagði að með frum­varp­inu væri verið að leggja til að draga úr styrk­veit­ingu til tveggja stærstu fjöl­miðla lands­ins, Morg­un­blaðsins og fjöl­miðla Sýn­ar, til þess að koma styrkj­un­um yfir á aðra einka­rekna fjöl­miðla. Benti hún á að eng­inn reki væri gerður að því að vinda ofan af út­gjöld­um Rík­is­út­varps­ins sem þigg­ur 7-8 millj­arða á ári í rík­is­styrki. 

„Það er vegna þess að rík­is­út­gjöld í dag eru skatta­hækk­un á morg­un. Þessi rík­is­stjórn er al­veg heiðarleg með það. Hún ætl­ar að hækka skatta, fyrst á fyr­ir­tæk­in og svo á fólkið í land­inu.“