Di­ana Al Barouki og Dana Za­her El Deen, sem út­skrifuðust ný­verið frá Fjöl­brauta­skól­an­um við Ármúla með frá­bær­um ár­angri, segja ótta hafa verið til staðar er þær ólust upp í stríðshrjáðu Sýr­landi. 

Di­ana og Dana eru gest­ir Dag­mála ásamt Ngan Kieu Tran. Þær komu hingað all­ar til lands árið 2022, Ngan frá Víet­nam og Di­ana og Dana frá Sýr­landi, og kynnt­ust í Fjöl­braut­ar­skól­an­um við Ármúla sem þær luku með glæsi­brag; Ngan sem dúx skól­ans, Di­ana sem semídúx og Dana með meðal­ein­kunn­ina 9,18. 

Þá hlutu þær all­ar viður­kenn­ing­ar fyr­ir náms­ár­ang­ur í hinum ýmsu fög­um. 

Frétt af mbl.is

Dúx og semídúx lærðu ís­lensku frá grunni með námi

Ekk­ert ör­yggi til staðar

Í Dag­mál­um fara Di­ana og Dana yfir hvernig það var að al­ast upp í borg­inni Sweida í Sýr­landi en borg­ar­styrj­öld, sem stend­ur enn yfir, hófst í land­inu árið 2011. Voru þá Di­ana og Dana um 5 ára gaml­ar. 

Dana seg­ir lífið í borg­inni hafa verið fínt fyr­ir stríð. Ástandið hafi svo farið að versna mjög hratt eft­ir 2011 og ekk­ert ör­yggi hafi verið til staðar.  Di­ana tek­ur und­ir þau orð:

„Það var ótti til staðar.“

Þær nefna þó báðar að fjöl­skyld­ur þeirra hafi reynt að hlífa þeim frá stríðsástand­inu og gefa þeim ör­ugg og hlý heim­ili. 

Frétt af mbl.is

Aðskil­in frá móður sinni í tvö ár: „Góða nótt“

Stuðning­ur­inn frá kenn­ur­um mik­il­væg­ur

Di­ana seg­ir það hafa verið erfitt í fyrstu að flytja til Íslands t.a.m. vegna þess að enn eru marg­ir fjöl­skyldumeðlim­ir henn­ar í Sýr­landi. 

Bú­set­an hér á landi hafi svo orðið betri þegar skóla­gang­an hófst og hún kynnt­ist Ngan og Dönu. Þá nefn­ir hún einnig mik­il­vægi þess stuðnings sem þær fengu frá kenn­ur­um sín­um í skól­an­um. 

„Þeir gáfu okk­ur stuðning til þess að halda áfram líf­inu hér og það er núna mjög auðvelt að vera hérna. Ísland núna er annað heim­ili.“

Þátt­inn má sjá í heild sinni hér að neðan:

Lærðu ís­lensku og dúxuðu mennta­skól­ann