Veiðigjalda­frum­varpið var af­greitt úr at­vinnu­vega­nefnd Alþing­is í morg­un. Í fram­hald­inu fer það í aðra umræðu á þing­inu.

Ei­rík­ur Björn Björg­vins­son, þingmaður Viðreisn­ar og 1. vara­formaður nefnd­ar­inn­ar, seg­ir fund­inn hafa gengið mjög vel í morg­un og að sam­töl­in hafi verið mál­efna­leg.

Frétt af mbl.is

„Væl og skæl“ á Alþingi

„Nefndarálitið var reifað með til­heyr­andi breyt­ing­ar­til­lög­um. Við feng­um viðbrögð frá minni­hlut­an­um og það var mjög mál­efna­legt og fínt sam­tal sem við átt­um í morg­un,“ seg­ir Ei­rík­ur Björn, spurður út í fund­inn, og bæt­ir við að allt hafi verið unnið á lýðræðis­leg­an hátt og með góðu sam­tali.

Býst við fjör­legri umræðu

For­seti Alþing­is ákveður í fram­hald­inu hvenær önn­ur umræða veiðigjalda­frum­varps­ins verður sett á dag­skrá og kveðst Ei­rík­ur Björn eiga von á fjör­legri og mál­efna­legri umræðu þar.

Hann seg­ir mark­miðið vita­skuld vera að ljúka við af­greiðslu frum­varps­ins á yf­ir­stand­andi þingi. „Þetta er eitt af stóru mál­um rík­is­stjórn­ar­inn­ar og við leggj­um metnað okk­ar í að reyna að klára þetta. Svo verður umræðan og tím­inn að leiða það í ljós.“