Tvenn um­mæli dóms­málaráðherra voru aðalræðuefnið í fund­arliðnum fund­ar­stjórn for­seta á Alþingi fyrr í dag. Var hún þar ann­ars veg­ar beðin um af­sök­un­ar­beiðni og hins veg­ar beðin um að draga um­mæli sín til baka. 

At­hygli vakti þegar það sló í brýnu á milli Þorg­bjarg­ar Sig­ríðar Gunn­laugs­dótt­ur dóms­málaráðherra og Ingi­bjarg­ar Isak­sen þing­flokks­for­manns Fram­sókn­ar­flokks­ins á föstu­dag.

Í óund­ir­bún­um fyr­ir­spurn­ar­tíma spurði Ingi­björg Þor­björgu um frum­varp er varðaði víxl­verk­un ör­orku­greiðslna og enduðu umræður á milli þeirra með þeim hætti Þor­björg spurði Ingi­björgu hvort hún kynni ekki að skamm­ast sín.

Hafði þá Ingi­björg spurt Þor­björgu tvisvar sinn­um hvort hún teldi að frum­varpið fæli í sér eigna­upp­töku sem myndi brjóta gegn eign­ar­rétt­ar­á­kvæði stjórn­ar­skrár­inn­ar.

Þor­björg kvaðst átta sig á því að stjórn­ar­andstaðan væri illa stemmd vegna þess hvernig mál­in væru að spil­ast með veiðigjöld­in.

„Það er auðvitað al­ger­lega óþolandi að menn séu að leika sér að því að koma hingað upp og væna ráðherra rík­is­stjórn­ar­inn­ar um að brjóta stjórn­ar­skrá vit­andi vits. Þetta er bara slík óhæfa að það er með al­ger­um ólík­ind­um. Þú ert væna ráðherra hér um að brjóta stjórn­ar­skrá vit­andi vits. Mig lang­ar til að segja: Kanntu ekki að skamm­ast þín,“ spurði ráðherra.

Frétt af mbl.is

Ráðherra: „Al­ger­lega óþolandi“

Góður brag­ur

Ingi­björg tók fyrst til máls í fund­arliðnum fund­ar­stjórn for­seta fyrr í dag.

„Í ljósi þess að við get­um átt okk­ar góðu daga og við get­um átt okk­ar slæmu daga, þá lang­ar mig til þess að leit­ast til þess að hæst­virt­ur dóms­málaráðherra biðjist af­sök­un­ar á al­ger­lega óviðeig­andi um­mæl­um sín­um hér í óund­ir­bún­um fyr­ir­spurn­um til mín,“ sagði Ingi­björg.

Tók þá Þor­björg næst til máls

„Mér finnst mér al­ger­lega að meina­lausu að biðjast af­sök­un­ar hafi hátt­virt­ur þingmaður tekið orðum mín­um illa sem ég heyri að hún gerði.“

Þakkaði þá Ingi­björg fyr­ir af­sök­un­ar­beiðnina og sagðist kunna að meta hana. Hún tók hins veg­ar fram að hún hefði ekki verið að ásaka „einn eða neinn um eitt eða neitt held­ur ein­fald­lega að vitna í um­sagn­ir í tengsl­um við málið og spyrja já og nei varðandi fag­legt mat dóms­málaráðherra.“

„En góður brag­ur. Takk kær­lega fyr­ir. Af­sök­un­ar­beiðni mót­tek­inn,“ sagði hún að lok­um.

Þakkaði Bergþóri fyr­ir áhyggj­ur sín­ar

Ljóst er þó að önn­ur um­mæli Þor­bjarg­ar komu illa við ýmsa þing­menn og minnt­ist Bergþór Ólason, þing­flokks­formaður Miðflokks­ins, að Þor­björg hefði sagt í eld­hús­dagsum­ræðum Alþing­is á miðviku­dag að ekki hefði þurft saka­mál­a­rann­sókn í kjöl­far sölu rík­is­stjórn­ar­inn­ar á rúm­lega 45% eign­ar­hlut sín­um í Íslands­banka í maí.

Byrjaði Þor­björg svar sitt á að þakka Bergþóri fyr­ir áhyggj­ur sín­ar af líðan þing­manna Sjálf­stæðis­flokks­ins.

„Ég nefndi í eld­hús­dagsum­ræðum að mér þætti gott að við ætt­um fjár­málaráðherra sem veit hvað hann syng­ur. Ég nefndi að þess­ari rík­is­stjórn tókst að selja banka án þess að sam­fé­lagið færi allt á hliðina.“

Frétt af mbl.is

Vill að Þor­björg dragi orð sín til baka

„Blas­ir við okk­ur öll­um“

Því næst rifjaði Þor­björg upp síðustu banka­sölu.

„Það leiddi til af­sagn­ar banka­stjóra. Það leiddi til af­sagn­ar fjár­málaráðherra. Það leiddi til hæstu sekt­ar í sögu fjár­mála­eft­ir­lits­ins í Íslands­sög­unni allri. Það leiddi til álits umboðsmanns Alþing­is um van­hæfi ráðherra. Það leiddi til skýrslu Rík­is­end­ur­skoðunar.

En auðvitað er það al­veg rétt að það fór eng­inn í fang­elsi og það er bara fín at­huga­semd og ég skal glöð gang­ast við því að svo var ekki. En var sal­an far­sæl, sem var nú kannski punkt­ur­inn í þessu öllu, hafði hún póli­tísk­ar og fjár­hags­leg­ar af­leiðing­ar? Svarið við því blas­ir við okk­ur öll­um.“

Veld­ur ekki sjálf­stæðismönn­um van­líðan

Virt­ust þau um­mæli ekki falla í kramið hjá þeim Jóni Gunn­ars­syni og Áslaugu Örnu Sig­ur­björns­dótt­ur, þing­mönn­um Sjálf­stæðis­flokks­ins.

Sagði Jón dóms­málaráðherra vera að gera lítið úr sjálfri sér með því að koma fram með þeim hætti sem hún gerði iðulega í garð sjálf­stæðismanna. Það væri hins veg­ar ekki að valda sjálf­stæðismönn­um van­líðan.

„Frek­ar veld­ur það nú ein­hverri vorkunn gagn­vart því hvernig hæst­virt­um dóms­málaráðherra virðist líða í sín­um störf­um, bæði sem þingmaður áður en hún fór í ráðherra­stól og núna sem hæst­virt­ur ráðherra,“ sagði Jón

„Auðvitað sæm­ir það síður ráðherra að vera á þess­um vett­vangi að gefa ým­is­legt í skyn sem eng­ar inn­stæður eru fyr­ir, svo sem það að saka­mál­a­rann­sókn hafi farið fram og hún sem fyrr­ver­andi sak­sókn­ari, lög­lærð mann­eskja og sit­ur í þessu embætti í dag, veit bet­ur. En hún á alla okk­ar samúð.“

Ef­sök­un­ar­beiðnir Þor­bjarg­ar

Áslaug Arna sagði að af­sök­un­ar­beiðnir Þor­bjarg­ar í um­rædd­um mál­um hefðu verið svo­kallaðar ef­sök­un­ar­beiðnir.

Þá sagði hún sjálf­stæðismönn­um líða al­mennt það vel að ekki væri endi­lega þörf að fá af­sök­un frá Þor­björgu varðandi um­mæli henn­ar.

„En það væri brag­ur á því og að mínu mati verður hæst­virt­ur dóms­málaráðherra að koma hér upp í pontu og draga ein­fald­lega þessi orð sín til baka, ekki með þeim orðum og svona lít­il­lækk­un eins og hún fór hér með um fang­els­istal og annað sem mér finnst ekki sæma. Mér finnst að hæst­irt­ur dóms­málaráðherra þurfi að koma hér upp í pontu og draga orð sín til baka um saka­mál­a­rann­sókn. Síðan get­um við seinna meir rætt Íslands­banka, söl­urn­ar báðar, ár­ang­ur, og þá pen­inga sem fóru á end­an­um í rík­iskass­ann.“