Um­mæli sem Hild­ur Sverr­is­dótt­ir, þing­flokks­formaður Sjálf­stæðis­flokks­ins, lét falla í gær í fjöl­miðlum eru ekki svara­verð að mati ráðherra.

Hild­ur sagði við Vísi í gær að rík­is­stjórn Kristrún­ar Frosta­dótt­ur kæmi fram af van­v­irðingu við þingið og notaði til þess sömu rök og Recep Tayyip Er­dog­an Tyrk­lands­for­seti og Don­ald Trump Banda­ríkja­for­seti.

Hild­ur gagn­rýndi þau rök sem byggja ein­göngu á því að rík­is­stjórn­in hafi umboð vald­hafa og sagði rík­is­stjórn­ina sýna skort á virðingu fyr­ir lýðræðis­legu hlut­verki stjórn­ar­and­stöðunn­ar og Alþing­is.

„Þessi rök heyr­ast núna vest­an­hafs frá Trump nokkr­um og Er­dog­an. Og ég leyfi mér að ef­ast um að rík­is­stjórn­in vilji leita í þá verk­færa­k­istu,“ sagði Hild­ur við Vísi.

Undr­ast um­mæl­in

Jó­hann Páll Jó­hanns­son, um­hverf­is-, orku- og loft­lags­ráðherra, var undr­andi á svip er blaðamaður mbl.is bar um­mæli Hild­ar und­ir hann.

„Þessi um­mæli dæma sig bara sjálf. Ég ætla ekki að svara þeim að öðru leyti,“ seg­ir Jó­hann.

Frétt af mbl.is

„Til hvers erum við þá með þing?“

Bjart­sýnn á að sín mál verði kláruð

Ekki ligg­ur fyr­ir hvenær þing­menn kom­ast í sum­ar­frí en þingið hefði átt að klár­ast sam­kvæmt dag­skrá 13. júní. Jó­hann Páll er bjart­sýnn á það að þing­mál hans kom­ist í gegn áður en þing­inu lýk­ur.

Meðal mála hjá hon­um er frum­varp um ein­föld­un leyf­is­veit­inga, gjald­taka vegna Nátt­úru­vernd­ar­stofn­un­ar, breyt­ing­ar á lög­um um vatns­hlot sem myndi flýta fyr­ir Hvamms­virkj­un og breyt­ing­ar á raf­orku­lög­um.

„Ég er mjög bjart­sýnn á að þingið nái að klára þessi mál sem ég hef lagt fram og mælt fyr­ir vegna þess að það er al­gjör samstaða um þau í stjórn­ar­meiri­hlut­an­um. Í orði kveðnu hef­ur líka verið stuðning­ur við mörg þeirra af hálfu minni­hlut­ans. Flest þess­ara mála eru kom­in í gegn­um nefnd­ir þings­ins sem hef­ur venju­lega verið helsti þrösk­uld­ur­inn og var á síðasta kjör­tíma­bili helsti þrösk­uld­ur­inn við að klára mál,“ seg­ir Jó­hann.