Donald Trump Bandaríkjaforseti | 16. júní 2025
Útgöngubann áfram í Los Angeles
Útgöngubann að nóttu til verður áfram í borginni Los Angeles í „nokkra daga í viðbót”, sagði Karen Bass borgarstjóri í gær.
Útgöngubann áfram í Los Angeles
Donald Trump Bandaríkjaforseti | 16. júní 2025
Setja bókamerki
Útgöngubann að nóttu til verður áfram í borginni Los Angeles í „nokkra daga í viðbót”, sagði Karen Bass borgarstjóri í gær.
Útgöngubann að nóttu til verður áfram í borginni Los Angeles í „nokkra daga í viðbót”, sagði Karen Bass borgarstjóri í gær.
Þá höfðu mótmæli staðið yfir í borginni í níu daga vegna aðgerða Bandaríkjastjórnar gegn ólöglegum innflytjendum en fjölmargir af rómönskum uppruna búa í Los Angeles.
Mótmælin hafa að mestu farið friðsamlega fram og einskorðast við lítið svæði í miðborg Los Angeles. Eitthvað hefur þó verið um ofbeldi, sem forsetinn Donald Trump hefur notað sem ástæðu til að senda þangað fjögur þúsund manna þjóðvarðalið og 700 landgönguliða.
Bass setti á útgöngubann 10. júní sem gildir á umræddu svæði í miðborginni þar sem mótmælin hafa farið fram. Í gær sagðist hún vona að ofbeldið þar muni fjara út.
Í viðtali við sjónvarpsstöðina KTLA sagðist Bass ekki vita hversu lengi útgöngubannið verður í gildi.
„Við vitum ekki hversu margar aðgerðir gegn innflytjendum verða, við vitum ekki hvernig þær fara fram og í hvert sinn sem það gerist grípur um sig mikil reiði í borginni,” sagði hún.
