Ólík­legt er að átök­in milli Írans og Ísra­els breiðist út í Mið-Aust­ur­lönd­um. Fyrr­nefnda ríkið virðist ein­angrað og án vina. Hins veg­ar er Banda­ríkja­for­seta vandi á hönd­um heima fyr­ir í ljósi þeirra yf­ir­lýs­inga sem hann hef­ur áður gefið um að hann vilji forðast að Banda­rík­in drag­ist inn í átök í fjar­læg­um álf­um. 

Þetta er mat Al­berts Jóns­son­ar, fyrr­ver­andi sendi­herra Íslands í Banda­ríkj­un­um. Hann er gest­ur Spurs­mála þenn­an föstu­dag­inn og ræðir hin skæðu átök sem nú standa yfir milli Ísra­els og Íran.

Þátt­ur­inn var sýnd­ur hér á mbl.is fyrr í dag en upp­töku af hon­um má nálg­ast í spil­ar­an­um hér að ofan, á Spotify og YouTu­be, og er hún öll­um aðgengi­leg. 

All­ar göt­ur greiðar

Í þætt­in­um er einnig rætt við Sig­urð Boga Sæv­ars­son, blaðamann á Morg­un­blaðinu, sem fyr­ir þrem­ur árum tók að ganga göt­ur Reykja­vík­ur og skrá hjá sér um­ferð þá. Fyrr í júní lauk hann svo við að ganga þær all­ar. Í viðtal­inu upp­lýs­ir Sig­urður Bogi hversu marg­ar göt­urn­ar eru og er ekki ólík­legt að ein­hverj­um komi á óvart hversu marg­ar göt­ur prýða land Reykja­vík­ur.

Eng­in fréttaþurrð

Frétt­ir vik­unn­ar eru svo ekki langt und­an og á vett­vang mæta þau Sig­mar Vil­hjálms­son, at­hafnamaður í Minig­arðinum og víðar, og Áslaug Arna Sig­ur­björns­dótt­ir, alþing­ismaður Sjálf­stæðis­flokks­ins. Hún legg­ur senn í vík­ing til Banda­ríkj­anna þar sem hún hyggst setj­ast á skóla­bekk. Þrátt fyr­ir það er póli­tík­in ekki langt und­an og vænta má skemmti­legs og hisp­urs­lauss sam­tals þeirra í mill­um.

Fylg­ist með Spurs­mál­um á mbl.is alla föstu­daga klukk­an 14.

Sig­urður Bogi Sæv­ars­son, Áslaug Arna Sig­ur­björns­dótt­ir, Sig­mar Vil­hjálms­son og Al­bert Jóns­son eru gest­ir Spurs­mála að þessu sinni. Sam­sett mynd/​mbl.is/​María Matth­ías­dótt­ir

Tengd­ar frétt­ir

Spurs­mál

Upp­lausn á Alþingi: Aukaþátt­ur af Spurs­mál­um

• Kári Stef­áns­son, ægi­vald rík­is­ins og Kjar­val
• Ögur­stund í lífi þjóðar: samn­ing­ar ald­ar­inn­ar?
• „Kjarn­orku­hnappi“ þing­for­seta ólík­lega beitt
• Ráðherra rek­ur út úr sér tung­una

» Fleiri tengd­ar frétt­ir

• 1 blogg um frétt­ina

Bloggað um frétt­ina

• Guðjón E. Hrein­berg: Farið var­lega í svepp­ina