Inga Sæ­land, fé­lags- og hús­næðismálaráðherra, heim­sótti Kaffi­stofu Sam­hjálp­ar í maí þar sem hún átti þar gott sam­tal við fram­kvæmda­stjóra Sam­hjálp­ar og upp­lýsti að hún myndi skoða hvort stjórn­völd gætu með ein­hverj­um hætti komið kaffi­stof­unni til aðstoðar.

Þetta kem­ur fram í svari ráðherra við fyr­ir­spurn frá Sig­urði Inga Jó­hanns­syni, for­manni Fram­sókn­ar­flokks­ins, um hús­næðis­vanda kaffi­stof­unn­ar.

Hann spurði Ingu hvort hún hygðist beita sér fyr­ir lausn á hús­næðis­vand­an­um og ef svo væri, með hvaða hætti?

„Ráðherra er vel kunn­ugt um þá stöðu sem blas­ir við Kaffi­stofu Sam­hjálp­ar í haust og tek­ur heils hug­ar und­ir að finna þurfi lausn á hús­næðis­vanda kaffi­stof­unn­ar sem fyrst svo tryggja megi áfram þá mik­il­vægu þjón­ustu sem þar er veitt,“ seg­ir í svari Ingu.

„Ráðherra heim­sótti kaffi­stof­una í maí síðastliðnum og átti þar gott sam­tal við fram­kvæmda­stjóra Sam­hjálp­ar og upp­lýsti að hún myndi skoða hvort stjórn­völd gætu með ein­hverj­um hætti komið kaffi­stof­unni til aðstoðar. Með hvaða hætti slík aðstoð gæti litið út ligg­ur ekki fyr­ir að svo stöddu,“ seg­ir enn frem­ur í svar­inu.