Nú er strand­veiðitíma­bilið aðeins rétt rúm­lega hálfnað en óðum stytt­ist í að 10.000 tonna mark­inu sé náð og því þarf Fiski­stofa að öllu óbreyttu að stöðva veiðarn­ar nema afla­heim­ild­um verði bætt við. Ráðherra hef­ur áður sagst gera ráð fyr­ir að frum­varpið verði að lög­um áður en þing­menn fara í sum­ar­frí en ekki er ljóst hvort af því verði áður en til stöðvun­ar strand­veiða kem­ur. Allt stefn­ir í að bil mynd­ist frá stöðvun veiða að samþykkt frum­varps ef af því verður og vöng­um er velt yfir því hvort og hvernig til standi að brúa það bil.

Frétt af mbl.is

Muni ekki narta í afla­marks­kerfið

Hjá Fiski­stofu er fylgst með stöðu frum­varps­ins en svo lengi sem það hef­ur ekki verið samþykkt verður eng­in breyt­ing á þeirra verk­ferl­um. „Há­markið er 10.000 tonn og ef því er náð og Fiski­stofu ber að stöðva veiðarn­ar þá stöðvar Fiski­stofa veiðarn­ar,“ seg­ir Óttar Erl­ings­son, deild­ar­stjóri veiðiheim­ilda og gagna hjá Fiski­stofu. Þegar hann er spurður hvort hann telji að veiðiheim­ild­um verði bætt við og hvert þær heim­ild­ir verði sótt­ar bend­ir hann á að því verði at­vinnu­vegaráðuneytið að svara. „Við höf­um í raun og veru ekki neinu hlut­verki að gegna við að ákveða hvernig veiðiheim­ild­um er skipt. Það er ein­göngu ráðuneyt­is­ins að ákveða slíkt, þannig að þau verða að svara fyr­ir all­ar slík­ar spurn­ing­ar.“

Morg­un­blaðið sendi fyr­ir­spurn um málið á at­vinnu­vegaráðuneytið en svör hafa ekki borist.