Banda­ríska sveita­söng­kon­an Dolly Part­on hef­ur ákveðið að taka sér tíma­bundið hlé frá tón­list­inni. Síðustu mánuðir hafa reynst söng­kon­unni afar erfiðir en eig­inmaður henn­ar til nærri 60 ára, Carl Dean, féll frá í mars og seg­ist Part­on þurfa tíma burt frá sviðsljós­inu til að syrgja.

Part­on, sem er 79 ára, greindi frá þessu í hlaðvarpsþætti Khloé Kar­dashi­an, Khloé in Wond­er Land, á miðviku­dag.

„Ég get ekki meira í bili,“ sagði Part­on við Kar­dashi­an, en full­yrti þó að tón­list­ar­ferli henn­ar væri langt í frá lokið.

„Ég mun semja eitt­hvað nýtt, þegar og ef eitt­hvað kem­ur. Ég er bara að setja allt á bið að svo stöddu.“

Frétt af mbl.is

Eig­inmaður Dolly Part­on er lát­inn

„Við Carl vörðum mörg­um ynd­is­leg­um árum sam­an“

Dean lést í Nashville í Tenn­essee þann 3. mars síðastliðinn. Hann var 82 ára gam­all.

Part­on greindi frá and­láti hans á sam­fé­lags­miðlasíðunni X.

„Við Carl vörðum mörg­um ynd­is­leg­um árum sam­an. Orð geta ekki rétt­lætt ást­ina sem við deild­um í yfir 60 ár. Þakka þér fyr­ir,“ skrifaði Part­on.

Kynnt­ust fyr­ir utan al­menn­ingsþvotta­hús

Part­on og Dean kynnt­ust fyr­ir utan al­menn­ingsþvotta­hús í Nashville, dag­inn sem Part­on flutti til Nashville 18 ára göm­ul þar sem hún reyndi fyrst fyr­ir sér sem söng­kona. Þau giftu sig tveim­ur árum síðar, 30. maí 1966.

Carl Dean, sem hélt sig að mestu frá sviðsljós­inu þrátt fyr­ir að vera eig­inmaður stór­stjörn­unn­ar sem Dolly Part­on varð, var kaup­sýslumaður eft­ir að hafa átt mal­bik­un­ar­fyr­ir­tæki í Nashville.