Alþingi | 10. júlí 2025
Valdarán varðar allt að lífstíðardómi
Hart hefur verið tekist á á Alþingi Íslendinga í dag í kjölfar þess að Hildur Sverrisdóttir, þingflokksformaður Sjálfstæðisflokksins, sleit þingfundi í gær í óþökk meirihluta þingsins og Þórunnar Sveinbjarnardóttur þingforseta.
Valdarán varðar allt að lífstíðardómi
Alþingi | 10. júlí 2025
Setja bókamerki
Hart hefur verið tekist á á Alþingi Íslendinga í dag í kjölfar þess að Hildur Sverrisdóttir, þingflokksformaður Sjálfstæðisflokksins, sleit þingfundi í gær í óþökk meirihluta þingsins og Þórunnar Sveinbjarnardóttur þingforseta.
Hart hefur verið tekist á á Alþingi Íslendinga í dag í kjölfar þess að Hildur Sverrisdóttir, þingflokksformaður Sjálfstæðisflokksins, sleit þingfundi í gær í óþökk meirihluta þingsins og Þórunnar Sveinbjarnardóttur þingforseta.
Kristrún Frostadóttir ávarpaði þingheim fyrr í dag með sérstakri yfirlýsingu þar sem hún sagði meðal annars að meirihlutinn ætlaði sér að verja lýðveldið Ísland, stjórnskipan landsins og heiður Alþingis.
Þeir sem harðast hafa gengið gagnvart Hildi segja hana hafa framið valdarán, eða að minnsta kosti gert til tilraun til þess. Meðal þeirra sem saka Hildi um slíkt er Guðmundur Ingi Kristinsson, mennta- og barnamálaráðherra, sem hvatti Hildi aukinheldur til þess að segja af sér.
Njáll Trausti Friðbertsson, þingmaður Sjálfstæðisflokksins, kom stuttu síðar í pontu þingsins og spurði Þórunni hvort hún myndi ávíta Guðmund Inga fyrir ummæli hans og að hafa notað orðið valdarán.
Ákvæði í hegningarlögum
Fjallað er um valdarán í almennum hegningarlögum, nánar tiltekið í XI. kafla lagabálksins.
Þar segir í 1. málsgrein 98. greinar að hver sá sem veki eða stýri uppreisn, í þeim tilgangi að breyta stjórnskipum ríkisins, eigi yfir höfði sér allt að ævilangri fangelsisvist.
Samkvæmt 2. málsgrein sömu greinar varðar það allt að 8 ára fangelsi að taka þátt í slíkri uppreisn.
Mennta- og barnamálaráðherrann hefur, þrátt fyrir fullyrðingar sínar, ekki borið nein sérstök rök fyrir því að Hildur hafi gerst sek um valdarán í skilningi laganna.
Hildur birti jafnframt færslu á Facebook-síðu sinni í dag þar sem hún ver ákvörðun sína að slíta fundinum. Hún segir þar að þingforseti hafi ekki tjáð sér að fundurinn ætti að standa fram á nótt en lengri þingfundir standa yfirleitt ekki lengur en til miðnættis að hennar sögn.
Bergþór Ólason, þingflokksformaður Miðflokksins, segir í samtali við mbl.is fyrr í dag að orðræða stjórnarliða um að stjórnarandstaðan sé með tilraun til valdaráns og að lýðræðið sé í húfi væri ógeðfelldur málflutningur.
