„Nú er allt breytt. Marg­ar af þeim ræðum sem hafa verið flutt­ar hér til að verja þessa ákvörðun virðulegs for­seta hljóma eins og ræður ein­stak­lings sem er rétt um það bil að verða ein­ræðis­herra, rétt áður en hann kipp­ir lýðræðinu úr sam­bandi.“

Svona hóf Bergþór Ólason þing­flokks­formaður Miðflokks­ins ræðu sína í umræðum um at­kvæðagreiðslu sem Þór­unn Svein­bjarn­ar­dótt­ir þing­for­seti boðaði til á Alþingi rétt í þessu.

Þing­for­seti beitti 71. grein þing­skap­ar­laga, svo­kölluðu kjarn­orku­ákvæði, og boðaði til at­kvæðagreiðslu um að stöðva umræðu um veiðigjöld­in og beina mál­inu beint til at­kvæðagreiðslu.

Frétt af mbl.is

For­seti þings­ins virkj­ar kjarn­orku­ákvæðið

„Þá verður skömm ykk­ar, sem þetta hafið gert, enn meiri, og hún verður rifjuð upp“

„Þetta krist­all­ast í ein­hvers lags frekjukasti í skatta­hækk­un­ar­máli, og það að við hér í þing­inu, og ég leyfi mér að segja virðuleg­ur for­seti, sé sett­ur í þá stöðu, að beita þessu ákvæði til að knýja fram skatta­hækk­un­ar­mál, eins illa unnið og það sem hér ligg­ur fyr­ir, það mun verða þeim sem taka þá ákvörðun til ævar­andi skamm­ar, til ævar­andi skamm­ar,“ hélt Bergþór áfram.

„Þegar þetta mál, jafn illa unnið og brogað og það er, lend­ir fyr­ir dóm­stól­um, sem mun ger­ast án nokk­urs vafa við fyrstu álagn­ingu á grund­velli þess sem hér á að þvinga í gegn, þá verður skömm ykk­ar, sem þetta hafið gert, enn meiri, og hún verður rifjuð upp. Það megið þið vita, virðuleg­ir þing­menn.“