Skrif­stofa Alþing­is, að beiðni Flokks fólks­ins, tók sam­an minn­is­blað um upp­runa og beit­ingu 71. grein­ar þing­skap­ar­laga.

Rík­is­út­varpið greindi fyrst frá.

Beiðni Flokks fólks­ins um að minn­is­blað yrði unnið er dag­sett 7. maí, eða fyr­ir rúm­lega tveim­ur mánuðum síðan, en þá hafði fyrsta umræða um veiðigjalda­frum­varp Hönnu Katrín­ar Friðriks­son at­vinnu­vegaráðherra aðeins staðið yfir í tvo daga.

Frétt af mbl.is

Veiðigjalda­frum­varpið af­greitt úr ann­arri umræðu

Eins og alþjóð veit beitti Þór­unn Svein­bjarn­ar­dótt­ir ákvæðinu, sem oft er kallað kjarn­orku­ákvæðið, í upp­hafi þing­fund­ar í gær, til þess að leggja það til við þing­heim að binda enda á aðra umræðu um veiðigjalda­frum­varpið um­deilda. Sú til­laga henn­ar var samþykkt og lauk ann­arri umræðu um málið síðdeg­is í gær.

Litið hef­ur verið á ákvæðið sem neyðarúr­ræði sem aðeins er beitt ef aðrir mögu­leik­ar í stöðunni eru tald­ir full­reynd­ir, til marks um það hafði því ekki verið beitt með gild­um hætti síðan árið 1959.