Þor­gerður Katrín seg­ir fínt að rykið fái að setj­ast eft­ir þá at­b­urði sem áttu sér stað und­ir lok þings­ins sem lauk í gær. Hún ít­rek­ar að það sé mik­il­vægt að lýðræðið og þing­ræðið í land­inu virki.

Fyrsta þingi nýrr­ar rík­is­stjórn­ar lauk í gær en Hild­ur Sverr­is­dótt­ir, þing­flokks­formaður Sjálf­stæðis­flokks­ins, flutt í lok þing­fund­ar­ins yf­ir­lýs­ingu fyr­ir hönd þing­flokka stjórn­ar­and­stöðunn­ar þar sem hún sagði að trúnaðarbrest­ur hefði skap­ast á milli Þór­unn­ar Svein­bjarn­ar­dótt­ur þing­for­seta og stjórn­ar­and­stöðunn­ar í kjöl­far beit­ing­ar 71. grein­ar þing­skap­ar­laga. 

Frétt af mbl.is

Seg­ir Þór­unni for­seta meiri­hlut­ans, ekki þings­ins

Þor­gerður ræddi við mbl.is að lokn­um síðasta rík­is­stjórn­ar­fundi fyr­ir sum­ar­frí sem fór fram í dag. 

„Nú er gott að rykið fái aðeins að setj­ast. Það er á sam­eig­in­legri ábyrgð stjórn­ar og stjórn­ar­flokk­anna að skapa þannig and­rúms­loft á þing­inu að þing­ræðið virki og lýðræðið virki,“ seg­ir Þor­gerður er hún var spurð að því hvort hún hefði lausn­ir til þess að leysa ágrein­ing­inn á þing­inu.

Þor­gerður bæt­ir því við að lok­um að það að and­rúms­loftið verði betra á þingi sé nauðsyn­legt fyr­ir fólkið í land­inu og að stjórn og stjórn­ar­andstaða þurfi í sam­ein­ingu að líta í eig­in barm í þeim efn­um.