Banda­ríska leik­kon­an Jenni­fer Love Hewitt, ein­hver mest áber­andi leik­kona tí­unda ára­tug­ar­ins, leyfði nátt­úru­legri feg­urð sinni og kven­leg­um lín­um að njóta sín á frum­sýn­ingu hroll­vekj­unn­ar I Know What You Did Last Sum­mer í stjörnu­borg­inni Los Ang­eles á mánu­dags­kvöldið.

Hewitt, 46 ára, vakti mikla at­hygli á dregl­in­um enda var hún stór­glæsi­leg til fara. Leik­kon­an klædd­ist fal­leg­um svört­um hlýra­kjól, svo­kölluðum „bo­dycon“-kjól, sem var skreytt­ur glitrandi stein­um. Hún var í hæl­um í stíl og með hárið slegið.

Hewitt stillti sér upp á svarta dregl­in­um ásamt mót­leik­ur­um sín­um en leik­kon­an end­ur­tek­ur hlut­verk sitt í þess­ari nýj­ustu út­gáfu hroll­vekj­unn­ar ásamt hjar­ta­knús­ar­an­um Freddie Prinze Jr. Þau fóru með hlut­verk Ju­lie James og Ray Bronson í upp­runa­legu mynd­inni frá ár­inu 1997 sem og fram­hald­inu sem kom út ári síðar.

Leik­kon­an stillti sér upp á svarta dregl­in­um. Ljós­mynd/​AFP

Jenni­fer Love Hewitt ásamt mót­leik­kon­um sín­um og leik­stjóra mynd­ar­inn­ar. Ljós­mynd/​AFP

Freddie Prinze Jr. mætti ásamt eig­in­konu sinni, leik­kon­unni Söruh Michelle Gell­er, en þau kynnt­ust ein­mitt við gerð kvik­mynd­ar­inn­ar árið 1997. Ljós­mynd/​AFP