Yfirvöld í Tyrklandi segja að a.m.k. 245 námaverkamenn hafi fundist látnir í kolanámu í bænum Soma en hátt í 450 námumönnum hefur verið bjargað.

Björgunarsveitarmenn hafa í allan dag leitað að líkum og fólki í lífi í námunni sem hrundi í kjölfar sprengingar. 

Tugir verkamanna náðu að forða sér þegar slysið varð en að sögn yfirvalda er um 120 enn saknað .

Recep Tayyip Erdogan, forsætisráðherra Tyrklands, heimsótti bæinn Soma í dag, sem er á vesturhluta landsins. Erdogan sagði að þetta væri harmleikur sem yfirvöld myndu rannsaka í þaula og þau myndu „velta við hverjum steini“ til að komast til botns í málinu.

Íbúar bæjarins komu hins vegar saman til að mótmæla í dag og hrópuðu ókvæðisorðum að ríkisstjórninni. Ættingjar þeirra námumanna sem hefur verið saknað komu saman við námuna og biðu örvæntingarfullir eftir að fá fréttir áf sínum nánustu. 

Tengdar fréttir

Námuslys í Tyrklandi

Hundruð sænskra hermanna til Lettlands

• Þrír ákærðir fyrir manndráp af gáleysi
• 18 handteknir vegna námuslyssins
• „Klofaði yfir lík vina minna“
• Björgunaraðgerðum hætt í Tyrklandi

» Fleiri tengdar fréttir

• Blogga um frétt