Árásarmaður skotinn til bana
Setja bókamerki
Einn árásarmaður hefur verið skotinn til bana eftir skotárás á lögreglumenn í borginni Baton Rouge í Louisiana í Bandaríkjunum.
Talið er að tveir til viðbótar séu á flótta, samkvæmt lögreglunni í Baton Rouge.
Alls eru þrír lögreglumenn látnir eftir árásina og þrír til viðbótar særðir, samkvæmt nýjustu fregnum.
Svo virðist sem skotárás hafi verið hafin áður en lögreglan kom á vettvang.
„Mér skilst að lögreglumennirnir hafi verið að bregðast við skotárás,“ sagði talsmaður lögreglunnar við sjónvarpsstöðina WAFB.
John Bel Edwards, ríkisstjóri Louisiana sagði í yfirlýsingu: „Þetta er óskiljanleg árás sem ekki er hægt að réttlæta á okkur öll á sama tíma og við þurfum á samstöðu að halda,“ sagði hann.
„Við munum gera allt sem í okkar valdi stendur til að sjá til þess að hinir seku verðir handsamaðir,“ bætti hann við.
Frétt mbl.is: Þrír lögreglumenn skotnir til bana
Lögreglunni barst ábending um „grunsamlega manneskju á gangi niður Airline-þjóðveginn með árásarriffil“, samkvæmt heimildum fréttastofunnar CNN. Þegar lögreglan kom á vettvang var skotið á hana.
Lögreglan leitar að einum eða fleiri svartklæddum manneskjum eða í herklæðnaði.
„Ég veit hver aðkoma ráðuneytisins var“
Vottar Jehóva fyrir áfrýjunardómstól
Um 90 milljónir í vanskilum
Ein flugbraut eftir á Reykjavíkurflugvelli
„Sá það bara hverfa í einni vindhviðu“
„Það var blóðlykt“
Nýtt að gestalistinn sé umræðuefni á Alþingi
Guðrún býður sig fram til formanns