120 háhýsi standast ekki kröfur
Setja bókamerki
Klæðning sem notuð er í 120 háhýsum í alls 37 sveitarfélögum í Englandi uppfyllir ekki kröfur um eldvarnir. Theresa May, forsætisráðherra Bretlands, greindi þingmönnum neðrideildar breska þingsins frá þessu í dag en klæðningin fellur 100% á eldvarnarprófi sem gert var í kjölfar brunans í Grenfell-turni í London.
May hvatti staðbundin yfirvöld og rekstraraðila íbúðahúsnæðis til að framkvæma próf til að tryggja að eldvarnir standist kröfur. Talið er að minnst 79 hafi látist í eldsvoðanum í Grenfell-turni þann 14. júní. Ýmsar spurningar vöknuðu í kjölfar eldsvoðans sem varð til þess að ráðist hefur verið í umfangsmiklar athuganir á eldvörnum um allt Bretland.
Kveðst May munu útnefna dómara til að fara með málið vegna eldsvoðans fljótlega. Þá segir hún 282 fasteignir hafa verið útvegaðar tímabundið fyrir íbúa Grenfell-turnsins, 132 fjölskyldur hafa fengið stöðu sína metna og 65 hefur verið boðin tímabundin húsnæðisúrræði.
Ríkisstjórnin hefur varið tæpum 1,25 milljón pundum í valkvæðar greiðslur og mun þar að auki leggja aðgerðahópum og góðgerðafélögum til 1 milljón punda til viðbótar að sögn May. Þá hefur Jeremy Corbyn, formaður Verkamannaflokksins, segir hörmungarnar vegna eldsvoðans „leiða í ljós skelfilegar afleiðingar niðurskurðar.“
Grenfell-turninn var klæddur með svokallaðri Reynobond-klæðningu sem er álplata með plast báðum megin og virkar eins og regnhlíf á turninn. Einangrunarefnið undir klæðningunni var Celotex RS5000, en 50 mm bil var á milli einangrunarinnar og klæðningarinnar og er talið að loftið þar á milli hafi haft eins konar skorsteinsáhrif og leitt eld upp allan turninn.
Tvær sundlaugar vinsælli en Laugardalslaug
Nokkrir sagðir hafa veist að einum
Sakamál og mannslíkaminn heilluðu
Augu flughers Rússa eru tekin að lokast
Fimm í haldi á Akureyri vegna þriggja mála
Netanjahú: Munu gjalda dýru verði
SFS segja ráðherra villa um fyrir þinginu