For­sæt­is­ráðherra Nor­egs, Erna Sol­berg, hvet­ur alþjóðasam­fé­lagið til þess að berj­ast gegn öfga­hyggju af öllu tagi í kjöl­far hryðju­verka­árás­ar­inn­ar í Christchurch. Hún seg­ir að árás­in veki sár­ar minn­ing­ar frá fjölda­morðum And­ers Behring Brei­vik í Nor­egi 2011.

„Þetta er mjög sorg­legt og vek­ur upp sár­ar minn­ing­ar af okk­ar eig­in reynslu 22. júlí sem er versta stund Nor­egs frá stríðslok­um,“ seg­ir Sol­berg í viðtali við TV2. „Þetta sýn­ir okk­ur að öfga­hyggja blómstr­ar á mörg­um stöðum,“ seg­ir hún. 

Erna Sol­berg, for­sæt­is­ráðherra Nor­egs. AFP

Að sögn Sol­berg er þetta einnig viðvör­un um að hvergi megi hvika frá bar­átt­unni gegn öfga­hyggju. Hvaða nafni sem hún nefn­ist. 

Brei­vik skaut 77 til bana og voru flest fórn­ar­lömb hans ung­menni í sum­ar­búðum á Útey. Hann sagðist hafa valið fórn­ar­lömb sín vegna þess að þau hafi hvatt til fjöl­menn­ing­ar. 

49 lét­ust í árás­inni í Christchurch og seg­ir for­sæt­is­ráðherra Nýja-Sjá­lands, Jac­inda Ardern, að um hryðju­verk sé að ræða. 48 eru með skotsár og marg­ir þeirra mjög al­var­lega særðir. Af þeim látnu var 41 í Al Noor-mosk­unni en sjö í mosk­unni við Linwood Avenue. Einn lést á sjúkra­húsi. 

Einn maður hef­ur verið ákærður fyr­ir morð, 28 ára gam­all Ástr­ali, og verður hann leidd­ur fyr­ir dóm­ara á morg­un. Tveir til viðbót­ar eru í haldi en fjórða mann­eskj­an sem einnig var hand­tek­in fyrr í dag hef­ur verið lát­in laus þar sem hún teng­ist ekki árás­inni.

Tengd­ar frétt­ir

Fjölda­morðið í Útey/​And­ers Behring Brei­vik

Eng­inn meðbyr hjá Brei­vik

• Geng­ur fyr­ir þung­lynd­is­lyfj­um
• Brei­vik fer ekki spönn frá rassi
• Hulda sak­sókn­ari: „Tök­um þetta ekki til greina“
• Biður um reynslu­lausn 13 árum eft­ir fjölda­morðið

» Fleiri tengd­ar frétt­ir

Hryðju­verk á Nýja-Sjálandi

Fjölda­morðingi áfrýj­ar lífstíðardómi

• Gagn­rýn­ir kvik­mynd um viðbrögð sín við hryðju­verk­um
• Ein­blíndu of mikið á íslam­ista
• Mun aldrei ganga laus að nýju
• „Þú munt deyja einn“

» Fleiri tengd­ar frétt­ir

• 1 blogg um frétt­ina

Bloggað um frétt­ina

• Páll Vil­hjálms­son: Morðsiðir, kristn­ir og mús­límsk­ir - og góða fólkið