Sak­sókn­ar­ar í Hollandi segja að menn­irn­ir fjór­ir, sem sakaðir eru um að hafa grandað farþega­flug­vél í loft­helgi Úkraínu árið 2014, hafi verið að ganga eig­in hernaðarlegu er­inda.

Með öðrum orðum eru menn­irn­ir sakaðir um að hafa verið að ganga er­inda rúss­neska hers­ins þegar þeir skutu loft­skeyt­um í átt að vél­inni, með þeim af­leiðing­um að all­ir 298 um borð lét­ust. Lík­legt má þykja að menn­irn­ir hafi ætlað sér að granda úkraínskri herflug­vél.

Frétt af mbl.is

Rétt­ar­höld vegna MH17 haf­in í Hollandi

Vél­in var á leið frá Schipol-flug­velli í Amster­dam, Hollandi, og til Kúala Lúm­púr í Malas­íu þegar hún fórst. Aðalmeðferð máls­ins sem nú stend­ur yfir fyr­ir hol­lensk­um dóm­stól bæt­ir lík­lega gráu ofan á svart í sam­skipt­um Rúss­lands og Vest­ur­landa, sem báru ný­lega fram ásak­an­ir um að Rúss­ar væru að leggja á ráðin um inn­rás inn í Úkraínu.

Menn­irn­ir, sem ekki hafa enn mætt fyr­ir dóm­ara í Hollandi, eru frá Rússlandi og heita Ígor Girk­in, Ser­gei Dúbin­skí og Oleg Púlatov að und­an­skild­um Leoníd Kar­sj­en­kó, sem er frá Úkraínu. Girk­in, Dúbin­skí og Púlatov eru fyrr­um út­send­ar­ar rúss­nesku leyniþjón­ust­unn­ar en Kar­sj­en­kó er þekkt­ur úkraínsk­ur aðskilnaðarsinni.

Frétt af mbl.is

„Full hefnd­ar­til­finn­ingu, hatri, reiði og ótta“

Skýrslu­tök­ur sak­born­inga og vitna hafa tekið um þrjá daga en dóms­upp­kvaðning­ar er ekki að vænta fyrr en seint á næsta ári í fyrsta lagi, eins og fram kem­ur í frétt AFP.

Þyngsti mögu­legi dóm­ur yfir mönn­un­um er lífstíðarfang­els­is­dóm­ur.

Tengd­ar frétt­ir

Farþegaþota hrap­ar í Úkraínu

Hafna „hlut­dræg­um“ úr­sk­urði

• Rúss­ar ábyrg­ir fyr­ir flug­slys­inu
• Pútín beri ábyrgð á vopn­inu sem grandaði vél­inni
• Rann­sókn á máli MH17 hætt
• Rúss­ar segja dóm­inn hneyksli

» Fleiri tengd­ar frétt­ir

• Blogga um frétt