Leit­ar­menn á veg­um sak­sókn­ara í Þýskalandi hafa lokið leit við uppistöðulón í suður­hluta Portúgal. Leitað var að Madeleine McCann, breskri stúlku, sem hvarf á Al­gar­ve árið 2007. 

Leitar­flokk­ur­inn tók niður tjöld sín síðdeg­is í dag. Frétta­stofa Reu­ters grein­ir frá því að leit­in, sem stóð yfir í þrjá daga, hafa verið tíðinda­lít­il. Þó hafi nokkr­ir pok­ar af jarðvegi verið flutt­ir í burtu til rann­sókn­ar. 

Frétt af mbl.is

McCann leitað í uppistöðulóni

Þýsk stjórn­völd hafa nafn­greint mann sem sæt­ir rann­sókn vegna hvarfs McCann. Heit­ir hann Christian Bru­eckner og hafði áður verið sak­felld­ur fyr­ir barn­aníð og fíkni­efna­sölu. Er hann nú í fang­elsi í Þýskalandi, sak­felld­ur fyr­ir að nauðga 72 ára gam­alli konu á Al­gar­ve. 

Hef­ur hann neitað að vita nokkuð um mál McCann.

Frétt af mbl.is

Gæti orðið loka­dag­ur leit­ar­inn­ar

Alls hafa um 50 lög­regluþjón­ar og portú­galsk­ir slökkviliðsmenn tekið þátt í leit­inni.

Portú­galsk­ir fjöl­miðlar sögðu í gær að tek­in hefðu verið jarðsýni á svæðinu, auk þess sem leif­ar af fatnaði fund­ust. Enn hef­ur þó ekk­ert fund­ist sem teng­ist mál­inu.

Lög­regl­an leitaði á sama svæði árið 2008 og fundu kaf­ar­ar þá ein­göngu dýra­leif­ar.

Tengd­ar frétt­ir

Madeleine McCann

Hefja nýja leit að McCann

• Gæti losnað á næsta ári: Grunaður um hvarf „Maddie“
• Fella niður hand­töku­skip­un gegn Brückner
• Réttað yfir Bru­eckner í fe­brú­ar
• Biðjast af­sök­un­ar í máli Madeleine McCann

» Fleiri tengd­ar frétt­ir

• Blogga um frétt