Kafbáts, sem er notaður til að flytja ferðamenn að flaki Titanic, er nú leitað í Atlantshafi. Óvitað er hve margir voru um borð þegar kafbáturinn hvarf.

Fréttastofa BBC greinir frá þessu.

Strandgæslan í Boston í Bandaríkjunum greindi frá því í samtali við BBC að björgunaraðgerðir hafi hafist í dag en óvitað er hvar kafbáturinn er.

Flak Titanic er á 3.800 metra dýpi í Atlantshafi og um 600 kílómetra frá strönd Kanada. Eins og þekkt er var farþegaskipið stærsta skip í heiminum á sínum tíma áður en það sökk í jómfrúarferð sinni frá borginni Southampton í Englandi til New York-borgar í Bandaríkjunum árið 1912, en um 1.500 manns létust í slysinu. 

Frétt af mbl.is

Magnaðar nýjar myndir af flaki Titanic

Tengdar fréttir

Leitað að kafbát í Atlantshafi

„Enginn mun deyja á minni vakt“

• Telja sig hafa fundið líkamsleifar
• Tók með sér Rubik-kubb í Titan
• Leikstjóri Titanic: „OceanGate var varað við“
• Fjölskyldur hinna látnu lýsa djúpri sorg

» Fleiri tengdar fréttir

• Blogga um frétt