Feðgar um borð í kafbátnum
Setja bókamerki
Fimm manns eru um borð í týnda kafbátnum sem ætlað var að skoða flak skipsins Titanic. Umfangsmikil leit stendur yfir í Atlantshafi.
Pakistanskur auðkýfingur, Shahzada Dawood, og sonur hans, Suleman, eru meðal þeirra sem eru um borð. Dawood tilheyrir einni af ríkustu fjölskyldum Pakistans, að því er BBC greinir frá.
Þá er Paul-Henry Nargeolet, 73 ára franskur landkönnuður, einnig talinn vera um borð í kafbátnum. Jafnframt er talið að Stockton Rush sé um borð, en hann er framkvæmdastjóri OceanGate, fyrirtækisins sem sér um ferðina.
Greint var frá því í gær að breska auðkýfingsins Hamish Harding væri einnig saknað.
Sónarleit neðansjávar
Samband við áhöfn bátsins slitnaði einni klukkustund og 45 mínútum eftir að lagt var af stað niður að skipsflaki Titanic.
Tvær flugvélar bandarísku strandgæslunnar leita að kafbátnum á yfirborði vatnsins. Þá fer fram sónarleit neðansjávar.
Flak Titanic er á 3.800 metra dýpi í Atlantshafi og um 600 kílómetra frá strönd Kanada. Kafbáturinn hefur vanalega súrefnisbirgðir til 96 klukkustunda ef fimm einstaklingar eru um borð.
„Við finnum að það hefur orðið afturför“
„Okkur líður líka óþægilega og finnst við óörugg“
Bjarkey liggur undir feldi: Styttist í ákvörðun
Handtekinn á Bakkafirði
Skipti um skóla vegna ofbeldis: „Hún er ekki ánægð“
Heildarrúmmálið rúmlega 60 milljón m³
Þungir dómar yfir fjórum í amfetamínmáli