Fjölskylda feðganna Shahzada og Suleman Dawood, sem fórust í Titan kafbátnum, lýstu djúpum harmi yfr missi þeirra. Allir fimm mennirnir er voru um borð í bátnum eru taldir af, en talið er að hann hafi fallið saman vegna þrýstings.

„Það er með djúpum harmi sem við tilkynnum andlát Shahzada og Suleman Dawood,“ sagði í yfirlýsingu fjölskyldunnar, undirritaða af Hussain og Kulsum Dawood, foreldrum Shahzada.

Frétt af mbl.is

Allir um borð taldir af

„Við vottum fjölskyldum hinna farþeganna á Titan kafbátnum innilegar samúðarkveðjur. Við erum sannarlega þakklát öllum þeim sem tóku þátt í björgunaraðgerðunum.“

Shahzada var frá Pakistan búsettur í Bretlandi ásamt eiginkonu sinni, Christine, Suleman, og dóttur þeirra, Alinu. Suleman var aðeins 19 ára gamall.

Var að gera það sem hann elskaði

Fjölskyldan lýsti Shahzada sem góðum föður með brennandi áhuga á ljósmyndun og að skoða mismunandi heimkynni. Þá hefði Suleman verið mikið fyrir vísindaskáldskap og að læra nýja hluti.

Forstjóri OceanGate, Stockt­on Rush, var einn fimm mannanna í kafbátnum. Auk hans og feðganna voru Hamish Harding og Paul-Henri Nargeolet.

Frétt af mbl.is

Háleynilegt kerfi nam sprenginguna á sunnudag

Fjölskylda Harding heiðraði minningu hans og lýsti honum sem ástríðufullum landkönnuði, eiginmanni og föður, en Harding átti tvo syni.

„Það sem hann áorkaði á lífsleiðinni var sannarlega merkilegt og ef við getum haft einhverja huggun í þessum harmleik þá er það að við misstum hann við að gera það sem hann elskaði,“ sagði fjölskyldan í yfirlýsingu.

Tengdar fréttir

Leitað að kafbát í Atlantshafi

„Enginn mun deyja á minni vakt“

• Telja sig hafa fundið líkamsleifar
• Tók með sér Rubik-kubb í Titan
• Leikstjóri Titanic: „OceanGate var varað við“
• Háleynilegt kerfi nam sprenginguna á sunnudag

» Fleiri tengdar fréttir

• Blogga um frétt