Olíuflutningaskipið sagt mjög laskað
Setja bókamerki
Tengdar fréttir
Sýrland
Svo virðist sem að drónaárás Úkraínumanna í gærkvöldi hafi ekki beinst að Kertsj-brúnni sjálfri, heldur að rússneska olíuflutningaskipinu SIG.
Úkraínumenn birtu í morgun myndbönd af árásinni á skipið, en að auki hafa rússneskir herbloggarar birt myndir af skipinu sem sýna skaðann eftir árásina.
Fullt af olíu
Olli árásin á skipið háværum sprengingum, en tvennum sögum fór af því hvort það var með olíu þegar árásin varð. Leiddi árásin til þess að umferð um Kertsj-brúna, sem er í um 27 kílómetra fjarlægð frá þeim stað sem ráðist var á skipið, var stöðvuð tímabundið og var því uppi hávær orðrómur í gærkvöldi um að brúin sjálf hefði orðið fyrir skaða í árásinni.
Var umferð hins vegar aftur leyfð yfir brúna snemma í morgun.
Rússnesk yfirvöld sögðu að olíuflutningaskipið hefði fengið á sig gat í vélarrými sínu við sjólínu, en að það væri enn á floti. Voru tveir dráttarbátar að draga það til hafnar að sögn Rússa.
Nýtt til hergagnaflutninga
SIG var á svörtum lista hjá Bandaríkjastjórn, en Rússar hafa nýtt það mjög til að flytja olíu til Sýrlands í trássi við refsiaðgerðir á sýrlensk stjórnvöld.
Mun skipið hafa siglt í næstum hverjum einasta mánuði til Sýrlands með olíu, og ávallt slökkt á staðsetningarbúnaði sínum í nágrenni við Kýpur.
Lýsa hafnirnar stríðssvæði
Úkraínsk stjórnvöld sendu svo frá sér formlega viðvörun til sæfarenda á Svartahafi um að hafsvæðið í og við rússnesku hafnarborgirnar Anapa, Novorossísk, Gelendzhík, Túapse, Sotsjí og Taman, teldist nú stríðssvæði.
Er hótunin sögð svar við hótunum Rússa í síðasta mánuði um að öll flutningaskip sem ættu leið til Úkraínu myndu teljast herflutningaskip, en hún á einnig að undirstrika það að Úkraínumenn telja sig nú geta valdið Svartahafsflota Rússa miklum skaða með sjávardrónum sínum.
Tengdar fréttir
Sýrland
Geta gert samning um afnot af seldum húsum
Elta kínverskt skip vegna rofs á sæstrengjum
Skrítið að enn er bara eitt úrræði í boði
Án fordæma á lýðveldistímanum
Æfing í janúar sem líkir eftir rofnum sæstrengjum
Skortur á bílastæðum fælir frá
Segir 2025 skera úr um hver vinnur stríðið
