Rúm­lega 40 ríki Banda­ríkj­anna hafa stefnt Meta, eig­anda og rekstr­araðila sam­fé­lags­miðlanna Face­book og In­sta­gram, sem þau telja hagn­ast á þján­ing­um barna og skaða and­lega heilsu þeirra auk þess að kasta ryki í augu al­menn­ings hvað ör­yggi miðlanna snert­ir.

„Meta hef­ur ít­rekað blekkt al­menn­ing, þegar kem­ur að þeirri um­tals­verðu hættu sem miðlun­um fylg­ir, með það fyr­ir aug­um að há­marka fjár­hags­leg­an hagnað sinn,“ seg­ir í stefn­unni sem lögð var fram í al­rík­is­dóm­stól í Kali­forn­íu í gær en flest rík­in standa sam­eig­in­lega að mál­sókn­inni, fá­ein þeirra ákváðu að stefna sjálf fyr­ir sín­um dóm­stól­um.

Í stefn­unni kem­ur enn frem­ur fram að Meta hafi not­fært sér ung­dóm­inn og komið sér upp viðskiptalíkani hönnuðu til að ung­ir not­end­ur verji sem mest­um tíma á sam­fé­lags­miðlun­um óháð þeim áhrif­um sem slíkt hafi á heilsu þeirra.

Krefjast sekta og bóta

„And­leg van­heilsa þjak­ar börn og ung­menni í rík­ari mæli en nokkru sinni og um það er sam­fé­lags­miðlum og fyr­ir­tækj­um á borð við Meta að kenna,“ sagði Le­titia James, sak­sókn­ari í New York, í yf­ir­lýs­ingu er mál­sókn ríkj­anna var kynnt.

Krafa stefn­enda, að sögn James, er að banda­ríski dóm­stóll­inn geri Meta að láta af stjórn­un­ar­til­b­urðum sín­um í garð barna og ung­menna og greiða háar sekt­ir og bæt­ur. Sam­fé­lags­miðlafyr­ir­tæki verði að bera ábyrgð á þeim heilsu­bresti er þau hafi valdið meðal ungs fólks.

Banda­ríski land­lækn­ir­inn Vi­vek Murt­hy hvatti snemma á ár­inu til þess að gripið yrði til aðgerða til að tryggja að um­hverfi sam­fé­lags­miðla ylli ung­um not­end­um ekki skaða. „Við horf­um upp á neyðarástand í geðheil­brigðismál­um ung­menna og ég ótt­ast að sam­fé­lags­miðlar séu einn helsti drif­kraft­ur þess ástands – á þessu þarf að taka taf­ar­laust,“ var haft eft­ir Murt­hy í aðvör­un sem embætti henn­ar sendi frá sér.

Sæki að Meta einu

Tals­menn Meta kveða mál­sókn­ina von­brigði og benda á að rík­in sem að henni standi starfi ekki með sam­fé­lags­miðlafyr­ir­tækj­un­um við að út­búa notk­un­arstaðla sam­fé­lags­miðla er miði við ald­ur not­enda.

Enn frem­ur segja þeir Meta hafa þróað rúm­lega 30 verk­færi í smá­for­rit­um til að styðja við bak not­enda á ung­lings­aldri og auðvelda for­eldr­um að af­marka sam­fé­lags­miðlanotk­un barna sinna. Von­brigðin séu einnig tengd því að sak­sókn­ar­ar velji að sækja að Meta einu í stað þess að leita lausna er nái til alls netiðnaðar­ins er litið sé til vin­sælda miðla á borð við TikT­ok, YouTu­be og Snapchat.

Rann­sókn á starf­semi Meta var haf­in í kjöl­far þess er upp­ljóstr­ar­inn Frances Haugen lak rúm­lega 20.000 síðum af inn­an­húss­gögn­um í fjöl­miðla sem vöktu gagn­rýn­isradd­ir þess efn­is að sam­fé­lags­miðlaris­inn hefði skipað gróðasjón­ar­miðum ofar en ör­yggi not­enda.

Tengd­ar frétt­ir

Meta

Einka­færsl­ur nýtt­ar í að þjálfa gervi­greind

• In­sta­gram kynn­ir nýj­ar aðgerðir gegn kyn­lífs­kúg­un
• In­sta­gram mun brengla nekt­ar­mynd­ir
• Skoða gjald­töku á tækn­irisa
• Vilja 85 millj­arða frá Meta

» Fleiri tengd­ar frétt­ir

• Blogga um frétt