Joe Biden, for­seti Banda­ríkj­anna, til­kynnti í dag um refsiaðgerðir gagn­vart ríf­lega 500 skot­mörk­um í Rússlandi, nú þegar tvö ár eru liðin frá því Rúss­ar gerðu inn­rás í Úkraínu. Biden heit­ir því að stöðugur þrýst­ing­ur muni stöðva stríðsvél Pútíns Rúss­lands­for­seta. 

Fjár­málaráðuneyti Banda­ríkj­anna seg­ir að þetta séu um­fangs­mestu stöku refsiaðgerðirn­ar gagn­vart Rúss­um frá því stríðið hófst. Mark­miðið er að láta rúss­nesk yf­ir­völd finna fyr­ir dauða stjórn­ar­and­stæðings­ins Al­ex­ei Navalnís, en hann lést í fang­elsi í síðustu viku. Hann var einn helsti and­stæðing­ur og gagn­rýn­andi Pútíns. 

Biden seg­ir að aðgerðirn­ar, sem eru yfir 500 tals­ins og verða kynnt­ar nán­ar síðar í dag, muni bein­ast gegn ein­stak­ling­um sem komu að því að fang­elsa Navalní. Auk þess bein­ist aðgerðirn­ar gegn fjár­mála­kerfi Rúss­lands, vopnaiðnaði og greiðslugátt­um. Þá munu þving­an­irn­ar bein­ast gegn ein­stak­ling­um í mörg­um heims­álf­um. 

Rúss­neski stjórn­ar­and­stæðing­ur­inn Al­ex­ei Navalní lést í síðustu viku. AFP

Pútín greiði hærra verð

„Þær munu tryggja að Pútín greiðir enn hærra verð fyr­ir árás­argirni sína er­lend­is og fyr­ir kúg­un­ina heima­fyr­ir.“

Þá seg­ir Biden að banda­rísk stjórn­völd muni setja á út­flutn­ingstak­mark­an­ir á hátt í 100 aðila fyr­ir að styðja stríðsvél Rússa í gegn­um bak­dyr. 

Banda­rík­in og banda­menn þeirra hafa samþykkt fjöl­marg­ar efna­hagsþving­an­ir og refsiaðgerðir gegn Rúss­um frá því stríðið hófst. Þeir hafa m.a. fryst fjár­muni, dregið úr út­flutn­ingi á há­tækni­búnaði og sett verðþak á rúss­nesk­an ol­íu­út­flutn­ing. 

Vla­dimír Pútín, for­seti Rúss­lands. AFP

Dregið úr hernaðarleg­um stuðningi 

Aft­ur á móti hef­ur dregið mikið úr hernaðarleg­um stuðningi Banda­ríkj­anna við Úkraínu vegna deilna á milli demó­krata og re­públi­kana á þingi. Á sama tíma hef­ur rúss­neska hern­um vaxið ásmeg­in og hann náð að sækja fram á fremstu víg­línu. 

Fram kem­ur í um­fjöll­un AFP, að reiknað sé með að hag­kerfi Rúss­lands muni halda áfram að vaxa á þessu ári, en þó hæg­ar en áður, en Rúss­ar hafa þurft að aðlaga sig breytt­um aðstæðum og treyst á viðskipti við önn­ur ríki sem til­heyra ekki Vest­ur­veld­un­um. Þá horfa menn einna helst til Kína. 

Tengd­ar frétt­ir

Úkraína

Rúss­ar eiga ekki mögu­leika ef NATO stend­ur sam­an

• Minnst 21 féll í einni hræðileg­ustu áras­inni
• Hafa end­ur­heimt yfir 6.000 lík
• Úkraínu­menn meðal lát­inna í gagnárás­um Írana
• Augu flug­hers Rússa eru tek­in að lokast

» Fleiri tengd­ar frétt­ir

Rúss­land

Minnst 21 féll í einni hræðileg­ustu áras­inni

• Hafa end­ur­heimt yfir 6.000 lík
• Augu flug­hers Rússa eru tek­in að lokast
• ESB legg­ur til nýj­ar viðskiptaþving­an­ir á Rússa
• Árás­ir Rússa á Kænug­arð þær mestu frá upp­hafi stríðsins

» Fleiri tengd­ar frétt­ir

Al­ex­ei Navalní

Sex ára fang­elsi vegna um­fjöll­un­ar um Navalní

• Vill sjá Pútín á bak við lás og slá
• Vissi að hann myndi deyja í fang­elsi
• Navalní átti að vera hluti af fanga­skipt­un­um
• Rúss­ar vilja hand­taka ekkju Navalnís

» Fleiri tengd­ar frétt­ir

• Blogga um frétt