Vínframleiðsla um allan heim hefur hríðfallið, eða um 10% frá því á síðasta ári, vegna slæmrar uppskeru.
Leita þarf aftur 62 ár til þess að finna dæmi um jafn slæma uppskeru. Alþjóðleg vínsamtök segja loftslagsbreytingar bera meginsök á bágri stöðu uppskerunnar.
„Ofsaveður, þurrkar, sinueldar og annað í tengslum við loftslagsbreytingar, bera meginsök á hríðfalli í vínuppskeru,“ segir í tilkynningu frá samtökunum OIV.
Samtökin „International Organisation of Vine and Wine“ eða OIV teygja sig til tæplega fimmtíu landa sem framleiða vín.