Rússneski hershöfðinginn fyrrverandi, Ívan Popov, sem settur var af eftir gagnrýni á mikið mannfall rússneskra hermanna í Úkraínu, hefur verið handtekinn sakaður um spillingu.
Frá þessu er greint í rússneska ríkismiðlinum TASS.
Popov var rekinn í júlí árið 2023 eftir að hann hafði orð á ýmsum vandamálum hersins auk þess sem hann gagnrýndi aðra hershöfðingja og hátt mannfall rússneskra hermanna í Úkraínu.
Réttarhöld yfir Popov verða fyrir herdómstól. Hefur hann verið í haldi í um tvo mánuði.