Ayumi Fukushima, sem er fertug, hefur stundað breikdans lengur en flestir keppinautar hennar hafa verið á lífi.
Fukushima, sem er japönsk, er fyrrverandi leikskólakennari.
Hún bar nýverið sigur úr býtum í undankeppni sem var haldin í kínversku borginni Sjanghæ vegna Ólympíuleikanna í París.
Hún er þar með á góðri leið með að tryggja sér þátttökurétt á leikunum í sumar.
Þetta verður í fyrsta sinn sem keppt verður í breikdansi á Ólympíuleikunum.