Sendu loftbelgi fulla af rusli og dýraskít
Setja bókamerki
Norðurkóreskir loftbelgir hafa undanfarið ratað ítrekað inn í suðurkóreska lofthelgi, að sögn yfirvalda og fjölmiðla þar í landi.
Fréttastofa AFP hefur eftir þarlendum miðlum að belgirnir hafi margir innihaldið rusl, klósettpappír, dýraskít og annan úrgang.
Yfirmenn suðurkóreska hersins hafa beðið íbúa um að halda sig frá belgjunum og segja þeir aðgerðir yfirvalda í Pyongyang, höfuðborg Norður-Kóreu, skýrt brot á alþjóðalögum.
Belgjasendingar sem þessar eru þó ekki nýjar af nálinni, en bæði ríki hafa um langt skeið stundað athæfið.
Áróðursbelgir frá suðurkóreskum aðgerðasinnum hafa þó lengi verið stjórnvöldum í norðri sérstaklega til ama og hafa Norður-Kóreumenn því heitið því í refsingarskyni að svara fyrir sig með því að þekja svæði við landamæri Suður-Kóreu með rusli.
Ekkert bólar á nýjum meirihluta
Dó næstum því áður en allt byrjaði
Óvenju miklar hitasveiflur í Bakkagerði
Guðrún um könnun Maskínu: „Þetta er agalegt“
Samfylkingin niður í 27% og VG út af þingi
Ráðuneytið skammti mismunandi gögn
Íslenskur vísindamaður umbyltir greiningu fjöltaugabólgu
„Gamla whitespirit-blandan var alveg eins“