Trump fundinn sekur í öllum ákæruliðum
Setja bókamerki
/frimg/1/49/73/1497352.jpg)
Donald Trump, fyrrverandi forseti Bandaríkjanna og líklegur forsetaframbjóðandi Repúblikana hefur verið dæmdur sekur í 34 ákæruliðum af 34 í máli tengdu fölsuðum viðskiptaskjölum og greiðslum til klámmyndaleikkonunnar Stormy Daniels.
Niðurstaða kviðdómsins í málinu var kynnt rétt í þessu.
Trump var sakaður um að hafa falsað reikninga og önnur gögn í tengslum við greiðslur til Daniels. Trump og Daniels eiga að hafa átt samneyti árið 2006. Fyrsta greiðsla Trumps til að þagga niður í Daniels um samneyti þeirra barst árið 2016, fyrir forsetakosningarnar í Bandaríkjunum. Meira en 20 manns báru vitni í málinu.
Þetta er í fyrsta sinn í sögu Bandaríkjanna sem fyrrverandi forseti Bandaríkjanna telst sem dæmdur afbrotamaður.
Samkvæmt Reuters óskaði lögmaður Trump eftir því að fallið yrði frá úrskurðinum vegna þess að hann byggðist á óáreiðanlegum vitnisburði, þeirri beiðni var þó hafnað.
Dómsuppkvaðning í máli Trump verður þann 11. júlí næstkomandi, tæpum fjórum mánuðum áður en bandarísku forsetakosningarnar fara fram, þann 5. nóvember.
Trump gæti hlotið allt að fjögurra ára fangelsisdóm en búist er við því að hann muni áfrýja.
Fréttin var uppfærð klukkan 21:37.
Samfylkingin niður í 27% og VG út af þingi
Fólk stimplað með kvíða og deyr svo
3,4 stiga skjálfti í Bárðarbungu
Óvenju miklar hitasveiflur í Bakkagerði
Dó næstum því áður en allt byrjaði
Miðflokkur aldrei stærri: „Kominn tími á kosningar“
Forseti njóti friðhelgi að hluta