Yfirvöld á Tenerife leita nú 19 ára Breta, Jay Slater að nafni, en hans hefur verið saknað síðan í gær.
Slater var ásamt vinum sínum á ferðalagi um eyjuna til þess að sækja-NRG tónleikahátíðina, að því er fram kemur í umfjöllun breska ríkisútvarpsins.
Þegar síðast spurðist til hans var hann staddur í Rural de Teno-þjóðgarðinum á norðvesturhluta eyjarinnar.
Mun hann hafa tjáð vinum sínum að hann ætlaði að ganga þaðan aftur á hótelið, en villst þar sem gangan væri lengri en hann hefði gert sér grein fyrir. Þar að auki hefði hann ekkert vatn meðferðis og að sími hans væri að verða rafmagnslaus.