Telja hinn ákærða líklegan til flótta

Héraðsdómur Kaupmannahafnar hefur ákveðið að framlengja gæsluvarðhald yfir manninum sem ákærður er fyrir árás á Mette Fredriksen, forsætisráðherra Danmerkur, vegna þess að líklegt sé að hinn ákærði leggi á flótta verði hann látinn laus.

Danska ríkisútvarpið greinir frá. 

Gæsluvarðhaldið yfir hinum ákærða var í dag framlengt til 4. júlí næstkomandi. 

Frétt af mbl.is

39 ára karlmaður handtekinn

Hinn ákærði er 39 ára gamall pólskur maður sem er ákærður fyrir ofbeldi gegn einstaklingi í opinberri þjónustu. Maðurinn er sagður hafa slegið forsætisráðherra harkalega á hægri upphandlegg hennar sem hafi orðið til þess að hún missti jafnvægið.  

Man ekki eftir atvikinu vegna ölvunar

Í yfirheyrslu sagði sá ákærði að hann muni ekki vel eftir atvikinu sökum mikillar ölvunar. Þó muni hann eftir því að hafa hitt forsætisráðherrann. 

Frétt af mbl.is

Leitaði sér hjálpar eftir árásina

Við rannsókn málsins kom í ljós að þetta er ekki í fyrsta skipti sem hinn ákærði kemst í kast við lögin.  Áður hafi hann verið tekinn fyrir kynferðisbrot og búðarþjófnað. 

Saksóknari segir að rannsókn á málinu standi enn yfir.  

• Blogga um frétt