Ísraelskir hermenn bundu særðan Palestínumann fastan við vélarhlíf á bíl hersins á Vesturbakkanum í gær. Ísraelsher segist munu rannsaka atvikið.
Myndbandi hefur verið dreift víða á samfélagsmiðlum þar sem sjá má mann að nafni Mujahid Azmi or Fayyad, sem býr í hverfinu Jabiryat á milli Búrkin og Jenín, bundinn á framhlið torfærubíls sem er síðan ekið af stað.
Breski miðillinn Guardian greinir frá.
The Israeli military tied a Palestinian man to a jeep during a raid in the city of Jenin, Reuters reports.
— Zlatti71 (@Zlatti_71) June 23, 2024
Footage circulated on social media shows an injured man sliding off the bonnet of a car. A military jeep passes ambulances with the prisoner tied up.
The IDF said in a… pic.twitter.com/LokMFEPhD6
Að sögn fjölskyldu mannsins var ráðist inni í hús hennar, þar sem Azmi særðist. Herinn hafi síðan tekið hann höndum, bundið hann við vélarhlíf bílsins og ekið af stað.
Azmi er nú á Ibn Sina-spítalanum í Jenín. Francesca Albanese, sérstakur skýrslugjafi Sameinuðu þjóðanna í málefnum Palestínu, hefur fordæmt atvikið og sakað Ísraelsher um að nota manninn sem „mannlega hlíf“.