Minnst átján manns létu lífið í sjálfsmorðsárásum í norðausturhluta Nígeríu í gær. Nítján manns slösuðust einnig alvarlega.
Árásirnar beindust að brúðkaupi, sjúkrahúsi og jarðarför. Hryðjuverkasamtökin Boko Haram hafa á síðustu árum framið fjölda árása á svæðinu.
Í árásinni sem var framin í brúpkaupi sprengdi kona með barn fast við bak sitt sprengiefni í miðri athöfn. Þá voru það einnig konur sem réðust inn á sjúkrahús með sprengiefni. Þriðja árásin var framin í jarðarför fórnarlamba brúðkaupssprengingarinnar.
Karlar, konur og börn létust í árásunum.