Líkamsleifar konu sem hafði verið týnd í tólf ár fundust í byrjun maí í sveitarfélaginu Katrineholm í Svíþjóð.
Það voru menn á gangi um skóg rétt hjá bænum sem fundu líkamsleifarnar.
Sænski fréttamiðillinn Katrineholms-Kuriren greinir frá.
Konan hvarf af heimili sínu árið 2012. Hún var þá 65 ára gömul. Í gegnum árin hafa bæði lögregla og sjálfboðaliðar leitað að konunni.
Lögreglan í Katrineholm segir í samtali við Katrineholms-Kuriren erfitt að segja til um hvers vegna hún hafi ekki fundist fyrr. Þá sé gott fyrir fjölskyldu hennar að vita loksins um örlög hennar.