Sex hafa látist af völdum flóða í Sviss um helgina en lík fannst í suðausturhluta Ticino í dag að sögn lögreglu.
Flóðin eru þau verstu síðan árið 2000 en þá létust 13 vegna aurskriðu sem lagði þorpið Gondo í rúst.
Lögreglan segir líkið hafa fundist í Maggia-ánni sem er sama svæði og annað lík fannst í gær. Björgunarsveitir notuðu þyrlu til þess að ná líkamsleifunum úr ánni.
Á sunnudag létust þrjár þýskar konur á sjötugsaldri eftir úrhellisrigningu sem olli aurskriðu.
Vísindamenn segja að loftslagsbreytingar af völdum manna auki alvarleika, tíðni og lengd öfgakenndra hamfara eins og flóða og storma.