Vill drepa Pútín

Volodimír Selenskí, forseti Úkraínu, segist vilja drepa Vladimir Pútín vegna árása Rússa á Úkraínu sem hafa orðið úkraínskum börnum að bana.

Selenskí sagði frá þessu á fundi hjá stofnun Ronalds Reagans í Washington í dag.

„Ég er faðir, forseti og mennskur. Það er svo erfitt að missa fólk og sérstaklega börn. Maður sér foreldra sem missa börnin sín og þú vilt drepa Pútín á þessum tímapunkti, við öll viljum það,“ segir Selenskí á upptöku af fundinum sem Reuters hefur birt.

Frétt af mbl.is

Sorgardagur í Kænugarði

Fyrr í vikunni skutu Rússar 40 eldflaugum á borgir í Úkraínu að sögn Selenskí og létust 38.

Okmatdit-barnaspítalinn í Kænugarði varð illa úti eftir árásina og hafa tugir sjálfboðaliða, læknar og björgunarsveitarmenn tekið þátt í leit að fórnarlömbunum í rústum sjúkrahússins.

Selenskí sækir leiðtogafund Atlantshafsbandalagsins og óskar þar eftir auknum stuðningi frá ríkjum bandalagsins. Atlantshafsbandalagið fagnar 75 ára afmæli sínu um þessar mundir.

Frétt af mbl.is

Selenskí mætir á NATO-fundinn

• Blogga um frétt