Joe Biden Bandaríkjaforseti mun ávarpa þjóðina annað kvöld vegna ákvörðunar sinnar um að sækjast ekki eftir endurkjöri.
Frá þessu greinir hann í færslu á Twitter.
Tomorrow evening at 8 PM ET, I will address the nation from the Oval Office on what lies ahead, and how I will finish the job for the American people.
— President Biden (@POTUS) July 23, 2024
„Annað kvöld klukkan 8 [að staðartíma] mun ég ávarpa þjóðina frá forsetaskrifstofunni um það sem fram undan er og hvernig ég ætla að ljúka verkinu fyrir bandarísku þjóðina,“ skrifar hann.
Hann dró framboð sitt til baka á sunnudaginn og tilkynnti það með færslu á Twitter. Ekkert hefur sést til hans síðan hann greindist með Covid-19 í síðustu viku, 17. júlí.