Þyrla hrapaði á byggingu í Westmeath-sýslu á Írlandi á fjórða tímanum í dag. Yfirslökkviliðsstjóri á svæðinu segir að allir helstu viðbragðsaðilar séu á vettvangi.
Talið er að nokkur fjöldi fólks hafi látist eða slasast en fjöldi þeirra liggur ekki fyrir á þessari stundu.
Írska ríkisútvarpið RTE greinir frá því að þyrlan hafi lent á svínabúi í bæjarlandinu Jórisbæ.
Þá hefur írska rannsóknarnefnd flugslysa sent hóp eftirlitsmanna á vettvang.
Samkvæmt Flight Aware var þetta fimm sæta þyrla í eigu TVPX Aircraft Solutions í Utah-ríki í Bandaríkjunum.
Flugvélin hafði fyrr í dag flogið átta sinnum fyrir slysið.