Möndlað við símboðana áður en þeir komu til Líbanon
Setja bókamerki
Fyrstu rannsóknir yfirvalda í Líbanon hafi leitt í ljós að búið var að koma fyrir sprengjum í símboðunum sem sprungu þar í vikunni áður en þeir komu til landsins.
Kemur þetta fram í bréfi sem yfirvöld í Líbanon hafa sent til Sameinuðu þjóðanna.
Símboðar liðsmanna Hisbollah-hreyfingarinnar í Líbanon tóku að springa á miðvikudag með þeim afleiðingum að tólf létust og yfir 2.000 manns særðust.
Í gær sprungu svo öflugar sprengjur í talstöðvum, mun stærri tækjum og þar með mun öflugri sprengingar sem kostuðu tuttugu mannslíf.
Sprengingarnar urðu samtímis báða dagana svo ljóst er að um þaulskipulagða aðgerð var að ræða.
Í bréfinu til Sameinuðu þjóðanna stendur að sprengjunum hafi verið faglega komið fyrir í tækjunum og notast var við tölvupóstssendingar til að virkja þær.
Hisbollah-hreyfingin hefur kennt Ísrael um sprengingarnar og heitið því að landinu verði refsað. Ísraelar hafa ekki tjáð sig um atburðarásina.
Davíð Viðarsson var skyndihugdetta
Of margir nemendur og ákall um hæft starfsfólk
Hætta vegna jarðfalls í sprungur metin töluverð
Glæpastarfsemi orðin mun skipulagðari
Tveir í haldi grunaðir um mansal og smygl á fólki
Grænlendingar vildu ekki fá björninn til baka
Quang Le: „Rottuskíturinn kom mér á óvart“