Íkorni með meiri réttindi en afgönsk stúlka
Setja bókamerki
Bandaríska leikkonan Meryl Streep segir að íkorni hafi meiri réttindi en stúlka í Afganistan.
Síðan talíbanar sneru aftur til valda í Afganistan fyrir þremur árum eftir að bandaríski herinn yfirgaf landið hafa mannréttindi kvenna og stúlkna versnað til muna. Þeim hefur verið bannað að stíga fæti í almenningsgarða og háskóla, auk þess sem þær mega ekki syngja opinberlega. Sameinuðu þjóðirnar hafa lýst þessu ástandi sem „kynjaaðskilnaðarstefnu“.
„Íkorni hefur meiri réttindi en stúlka í Afganistan núna vegna þess að talíbanar hafa meinað konum og stúlkum aðgang að almenningsgörðum,“ sagði Streep á umræðufundi sem var haldinn meðfram allsherjarþingi Sameinuðu Þjóðanna.
„Fugl má syngja í Kabúl en stúlkur mega það ekki og kona má það ekki í almannarými,“ sagði Óskarsverðlaunaleikkonan.
„Mér finnst að alþjóðasamfélagið eins og það leggur sig, ef það kæmi saman, gæti aðstoðað við að koma á breytingum í Afganistan til að stöðva þessa hægfara kæfingu helmings heillar þjóðar.“
„Vélin virðist hafa brætt úr sér og sprungið“
Lát hjóna í Neskaupstað: Beðið eftir gögnum
Lögreglan fer yfir myndefnið
Bjarkey liggur undir feldi: Styttist í ákvörðun
Fimm konur hafa lýst ofbeldi samstarfsmannsins
Svandís býður sig fram
Þungir dómar yfir fjórum í amfetamínmáli
Fundu ekki fleiri hvítabirni