Að minnsta kosti 45 manns fór­ust og margra annarra er saknað eft­ir að tveim­ur bát­um sem fluttu far­and­fólk hvolfdi und­an strönd Dji­bútí í Aust­ur-Afr­íku.

Bát­arn­ir lögðu af stað frá Jemen með 310 manns inn­an­borðs en þeim hvolfdi í Rauðahaf­inu að sögn Alþjóða fólks­flutn­inga­stofn­un­ar­inn­ar. BBC grein­ir frá.

Tals­menn strand­gæsl­unn­ar Dji­bútí segja að 61 manns sé enn saknað og standa leit­araðgerðir enn þá yfir. Þetta er enn eitt báta­slysið á einni fjöl­förn­ustu og hættu­leg­ustu sjó­leið í heim­in­um sem er notuð af flótta­mönn­um og far­and­fólki í Afr­íku.

Í júní lét­ust að minnsta kosti 56 sómalsk­ir og eþíópísk­ir far­and­verka­menn og 140 annarra var saknað eft­ir að báti frá Sómal­íu hvolfdi í Aden­flóa, und­an suður­strönd Jemen. Meðal þeirra sem létu lífið voru 31 kona og sex börn.

Tengd­ar frétt­ir

Jemen

Sam­komu­lag um vopna­hlé

• Ísra­el gerði loft­árás á flug­völl í Jemen
• Hút­ar heita fleiri árás­um á flug­velli
• Skutu niður flug­skeyti og dróna frá Jemen
• Rúss­ar ráða jem­enska skæru­liða til sín

» Fleiri tengd­ar frétt­ir

• Blogga um frétt