Íran tengist hugsanlega árásum við sendiráðin
Setja bókamerki
Sænska leyniþjónustan Sapo segir að Íran tengist hugsanlega sprengingum og byssuskotum nálægt sendiráðum Ísraels í Svíþjóð og Danmörku fyrr í vikunni.
Lögreglan í Danmörku handtók í gær þrjá sænska ríkisborgara eftir tvær sprengingar sem urðu skammt frá sendiráðinu í Kaupmannahöfn aðfaranótt miðvikudags, líklega eftir að handsprengjum var varpað.
Nokkur atriði
Á miðvikudag var skotárás jafnframt gerð við ísraelska sendiráðið í Stokkhólmi.
Spurður út í fregnir um tengsl við Íran sagði Fredrik Hallstrom, yfirmaður hjá Sapo: „Það eru nokkur atriði sem benda í þá áttina.“
Vísuðu ummælunum á bug
„Að hluta til vegna skotmarkanna og aðferðanna sem var beitt, en það er bara ágiskun frekar en full vitneskja,“ sagði hann.
Í maí sagði Sapo að Íran hefði ráðið liðsmenn sænskra glæpagengja til að fremja ofbeldisverk gegn Ísrael og öðrum skotmörkum í Svíþjóð. Írönsk stjórnvöld vísuðu ummælunum á bug.
Rafmagnstöflur brunnu í Mývatnssveit
„Við fjölskyldan erum endalaust þakklát“
Rannveig: Ekki komin á „húrrandi fart niður Esjuna“
„Þetta er auðvitað ekki ásættanlegt“
„Ég er nakin með fólk allt í kringum mig“
Segir Trump ekki eiga að njóta friðhelgi
Fagnar breytingum en segir stefnuna enn óskýra