Grunaðir um hryðjuverkaglæpi

Tveir Svíar sem eru í haldi í Danmörku eru grunaðir um hryðjuverkaglæpi eftir sprengingu nálægt ísraelska sendiráðinu í Kaupmannahöfn í vikunni.

Frá þessu greinir lögreglan í Kaupmannahöfn á samfélgsmiðlinum X en það var aðfaranótt miðvikudags sem tvær sprengingar urðu nærri ísraelska sendiráðinu í Kaupmannahöfn.

Frétt af mbl.is

Ungu mennirnir báðir með afbrotasögu

Að sögn lögreglunnar í Kaupmannahöfn er talið að tvær handsprengjur hafi valdið sprengingunum.

Kvöldið fyrir sprengingarnar í Kaupmannahöfn var einnig skotið á ísraelska sendiráðið í Stokkhólmi. Cecilia Holmbom saksóknari hefur staðfest að tengsl séu á milli skotárásarinnar og sprenginganna.

Frétt af mbl.is

Sprengingar nálægt sendiráði Ísraels í Danmörku

Samkvæmt upplýsingum sænska ríkisútvarpsins, SVT,  er annar hinna handteknu Svía einnig grunaður um aðild að skotárásinni í Stokkhólmi.

• Blogga um frétt